Во рамки на наставата по француски јазик, во текот на второто полугодие се реализираа повеќе активности:
1. Регионален натпревар „Олимпијади“ за осмо и деветто одделение одржан во месец април на кој учествуваа ученици од нашето училиште при што ученичките Јована Пешова од 8а и Лина Стаменкоска од 9б се стекнаа со второ место и учествуваа на државниот натпревар кој се одржа во месец мај.
2. Натпревар во изразно читање во организација на Француски Институт се одржа во месец мај каде што учествуваа три ученички од 9-б: Милена Крстевска, Амина Омеровиќ и Лина Стаменкоска. Францускиот Институт им додели бесплатно едногодишно членство во библиотеката и медиотеката, маици и повеќе списанија.
3. Со цел запознавање на училишните предмети и наставници кои предаваат во предметна настава, на 15.05.2023 учениците од 5-а, б и в го посетија кабинетот по француски јазик и имаа можност да ги видат презентациите на учениците од 9-б и 7-в и подобро да се запознаат со француската култура.
4. На 17.05.2023 учениците од 7-в го посетија Францускиот Институт во Скопје при што разгледуваа енциклопедии, сликовници и романи, следеа видео презентација за Франција и уживаа во виртуелна прошетка низ Париз.
Одговорен наставник:
Анета Ѓуровска-Арсовска (наставник по француски јазик)
Нема коментара:
Постави коментар