Одбележување на Меѓународниот ден на толеранцијата

 

            По повод Меѓународниот ден на толеранцијата во ООУ „Рајко Жинзифов“ училишниот педагог Весна Рафеска, училишниот психолог и одделенските наставници Мануела Маркоска и Билјана Петроска одржаа презентација на тема „Решавање на конфликти“ и работилница на тема „Колку сме толерантни?“ со учениците од V-в, III-а и III-в одделение.

Со промовирањето на толеранција градиме хармонија помеѓу различноста за да обезбедиме подобра иднина и училиште без дискриминација. Заедно создаваме средина во која владее мирот, толеранцијата и љубовта и ја промовираме слободата, еднаквоста, правдата и почитувањето на различноста. 

Одговорни:

уличишен педагог Весна Рафеска

училишен психолог Бранка Бранковиќ Стојковиќ

одделенски наставници Мануела Маркоска и Билјана Петроска

Меѓународен литературен фестивал

 

                 На ден 25.11.2023 год. се одржа меѓународен литературен фестивал, на кој ученичката Стефанија Богдановска од VIII- г одд. со песната „Бисера“ под менторство на наставникот Александра Милчева освои прво место и се здоби со диплома и плакета.

Одговорна

Александра Милчева

Посета на фабрика за здрава храна „Виталија“

 

    Во рамките на воннаставни активности, учениците од II - б одделение во соработка со родителите, ја посетија фабриката за здрава храна „Виталија“.

Во рамките на посетата учениците се запознаа со вработените на фабриката, процесот на подготовка на производите и нивната вредност по здравјето на најмалите. “Здрава храна за здрави генерации“ е мотото на фабриката, за таа цел учениците учествуваа во работилница преку која го разберат значењето на мотото и како истото да ги применат во секојдневниот живот. Учениците имаа можност да вкусат дел од производите на „Виталија“, а дел од производите ги добија и како подарок. Од фабриката заминавме среќни, задоволни со желба за повеќе вакви и слични посети во иднина.

Одговорни:

оддленски наставник: Лукровска Софија

Магично шоу: Водата е живот. Водата е магија.

 

Сите знаеме дека без вода не би постотоеле ниту ние луѓето, ниту животните, ниту растенијата. Таа е едноставна без боја, без форма и без вкус, а сепак е најслаткото, најголемото и најдоброто освежување и важен чинител за опстанокот на планетата Земја. Затоа да и се радуваме, да ја чуваме и да ја почитуваме така што нема непотребно да ја трошиме или загадуваме. За нејзината улога и својства на часот по природни науки учевме преку магија релизирана од наставничката Кети Сталеска во нејзиното одделение 2в. Учениците освежени со необичната игровната активност, задоволно ветија дека ќе се грижат за водата и ќе раскажуваат насекаде за нејзината улога во развојот на животот на планетата Земја.

Одговорни

Магионичар, одделенски наставник Кети Сталеска.

Снимател, одделенски наставник Вилма Влаховиќ

Публика, учениците од 2в одделение

Јас и светот околу мене

 

Да се биде дете е прекрасно и весело. А, да се биде ученик е значајно животно искуство на сите деца. Период кога се развива и учи социјализацијата со и преку околината и се развива личноста преку секојдневно учење на нови нешта. Па така по повод приемот на децата во Детската организација во октомвриската седмицата посветена на децата учениците од нашето училиште цела седмица организираа различни активности, а другарчињата од второ одделение од централното училиште им приредија весела приредба под мотото „Јас и светот околу мене“ на првачињата кои свечено дадоа заклетва дека ќе бидат добри деца и ученици и се закитија со детски беџови и пасоши.

Одговорен наставник

одделенски наставник Кети Сталеска

Посета на детски фестивал „Златно славејче" 2023 година

 

    Детската песна ја развеселува сечија душа, па така денес учениците од прво до четврто одделение од подрачното училиште се развеселија со звуците на Златните славејчиња.

Одговорна

одделенски наставник Наташа Петковска

Извештај од креативната есенска работилница

 

Учениците од IV-б и  V-б одделение во рамките на слободните ученички активности реализираа креативна есенска работилница, во која со природни материјали изработуваа икебани од тикви и ги декорираа, а изработуваа и декорираа тикви и од текстил со полнење од памук. Исто така креираа ликовни творби со есенски суви лисја.

За време на активностите се забележуваше позитивна работна атмосфера, учениците работеа во групи и парови. Меѓусебно си помагаа и соработуваа, а резултат беа прекрасните креации од учениците од двете одделенија, кои сега го красат училиштниот хол и просторот кај бината во училиштето.

 

Одговорни наставници:

Мануела Маркоска и

Виолета Николин

Избор на ученички правобранител

 

На ден 8.11.2023 година во централното училиште се реализираше гласање за ученички правобранител. Гласањето за ученички правобранител во подрачното училиште се реализираше во петок на ден 10.11.2023 година. Во изборот учествуваа ученици од VII, VIII и IX од централното и подрачното училиште. Гласањето се одвиваше тајно и анонимно. За потребите на изборите, комисијата испечати ливчиња со имињата на кандидатите за ученички правобранител и неговите заменици. Симулирајќи, вистински процес на избори, секој гласач го доби ливчето и го заокружи тајно и го стави во кутијата за избори.

Кандидатите за ученички правобранител за кои гласаа ученици од VII, VIII и IX одделение се:

1.     Теофанија Велјанова од IX – г одделение од подрачното училиште во Пинтија;

2.     Ангела Спасовска од VIII – б одделение од централното училиште во Драчево;

3.     Андреј Станковски од VII – г одделение од подрачното училиште во Пинтија.

По завршување на гласањето комисијата јавно ги преброи гласовите.

Најголем број на гласови од централното и подрачното училиште доби кандидатот Теофанија Велјанова од IX – г одделение со што е избрана за ученички правобранител. Андреј Станковски од  VIII – г одделение и Ангела Спасовска од VIII – б одделение избраници се за заменици на ученичкиот правобранител.

Одговорни

психолог Бранка Бранковиќ Стојковиќ

дефектолог Адријана Кукоска

педагог Весна Рафеска