уторак, 02. јун 2020.

On line одбележувањето на 1 Јуни - Меѓународниот ден на детето!!!




Децата се најскапоцениот дар од  Бога, најтоплото, најмилото, најнежното, највозвишеното битие на еден родител ... Децата се смислата на нашето постоење, без нив белото не би било бело, розовото розово, синото сино...
Децата се нашата муза, инспирација, мотив за пребродување на најголемиот бродолом... еееее токму за тие деца... ние денес работевме, креиравме, ликовно се изразувавме... во чест на Одбележување на Меѓународниот ден на децата.
Денес за децата од сите возрасти се бара внимание од родителите, државата и воопшто општеството. Овој ден не треба да се одбележи само како празничен ден туку треба да ни послужи и како ден за поддршка и инвестирање во нив и нивната иднина!!!
Учениците од 3-б одд., како и секогаш, неуморни со своите идеи и од своите вредни рачиња имаа предизвик да изработат  „Замислено дете“  при тоа користејќи  природен материјал: камчиња, цветови, листови, тревки, дрвца, школки, латици, овошје, зеленчук... креативност и имагинација до бескрај...
Но секако тоа не би било така доколку во ова не се вмешаат и нашите вредни и соработливи родители!!! Затоа за нив едно големо Браво и Благодарам !!!
Нека е Честит 1 Јуни - Меѓународниот ден на децата!!!
                                      Одговорни наставници: Елена Стојановска и Софија Лукровска






недеља, 31. мај 2020.

Мали, големи генијалци идни Оскаровци


Мали, големи генијалци идни Оскаровци

Учениците од 3-г одделение покажаа голема посветеност и креативност во нивната работа. Заедно со нивната одделенска наставничка Кети Сталеска овој период изработија многу интересни активности. Редовно се вклучуваа на Online наставата и си ги завршуваа домашните задачи. Но, со својата креативност под менторство на наставничката и со мала помош од најблиските изработија несекојдневни и уникатни изработки. Во зависност од нивната замисла, фантазијата, новите знаења кои ги стекнаа во текот на учебната година и талентите кои ги поседуваат изработија кратки уметнички дела, детски филмови. Учениците филмските творби ги изработија со цртање, со цртање и боење, со употреба на компјутерски програми како Power Point презентација и програми за цртање како Paint, детски играчки и  апликации од мобилен телефон. Филмските творби се кратки, но со јасна и концизна содржина. Дел од детските филмови се со реални ликови, дел се анимирани. Учениците покажаа голема инветивност и професионалност налик на големите филмски мајстори.







Учиме преку игра за сообраќајните средства


Креативноста, фантазијата и иновативноста не запира кај учениците од 3-г одделение. Користејќи ги стекнати знаења, учениците овој пат не изненадија со прекрасни изработки за сообраќајот и сообраќајните средства. Под менторство на одделенскиот наставник Кети Сталеска тие изработија фрагменти од градовите со посебен акцент на патиштата и крстосниците, океаните и небото каде ги оживеаја автомобилите, автобусите, бродовите, хеликоптерите, авионите.  Сите ќе се согласиме дека најубаво се учи кога се игра. Па драги ученици продолжете да го држите кормилото и патувајте со насмевки низ креативноста и трудот. Успехот е неминовен.  




 


среда, 27. мај 2020.

ТВ – училница


          На 12.05.2020 година (вторник), наставничката Сандра Трпчевска одржа час за седмо одделение на тема: „Согорување на фосилни горива“, во емисијата ТВ-училница. Истата недела на 14.05.2020 (четврток), часот кој го одржа беше на тема „Обновливи извори на енергија“, наменет за седмо одделение.




Учество со видео часови на Едуино, националната веб-платформа





По повикот на министерот за образование и наука  до училиштата и наставниците за организирање на е-настава за сите деца, МОН  во соработка со УНИЦЕФ подготвува национална платформа за е-настава. За таа цел учество земаа и одделенски наставници од нашето училиште кои имаат добри информатички способности и знаења. Таа платформа ќе понуди видео лекции, односно разработка на методски единици за сите одделенија и сите задолжителни предмети. Видео лекциите се во траење од 15-тина минути и се  придружени со презентација и нарација/објаснување од наставничката/наставникот.

Од нашето училиште следните наставници се вклучија во втората група на подготвени  видео часови:

III oдделение Кети Сталеска, наставен предмет Природни науки, наставна содржина:Отпечатоци и допир
Линк: https://youtu.be/pV7heKVO9bg

III oдделение Ана Јаневска, наставен предмет Македонски јазик, наставна содржина: Состав по низа слики


V одделение Виолета Николин, наставен предмет Македонски јазик, наставна содржина Песна: Насекаде празник
            Линк: https://youtu.be/5RBHFoLPiJY



            Едуино, националната веб-платформа за образование можете да ја најдете на следната адреса:

http://www.eduino.gov.mk/

Училишен педагог Весна Рафеска