среда, 01. јул 2020.

ПРОФЕСИОНАЛЕН РАЗВОЈ НА НАСТАВНИЦИТЕ И СТРУЧНИТЕ СОРАБОТНИЦИ



    


  Во текот на второто полугодие од учебната година  2019/20  год. од страна  на здружението  за дислексија  Ајнштајн  беше понуден  online курс насловен  „Дислексија основи, препознавање и подршка“ во времетраење од 16 часа. Проектот е подржан од страна на Владата на Република Северна Македонија.  Курсот беше достапен во периодот од февруари до април 2020 год, и содржеше 4 модули и тестови за проверка. Од нашето училиште 35 одделенски, предметни наставници и стручни соработници го следеаа и успешно го завршија курсот за што се здобија со Сертификати.

Стручни соработници


Доделени благодарници од општина Кисела Вода



Во периодот додека се одвиваше наставата онлајн, поради настаната состојба со пандемијата, Министерството за образование организира низа проекти во кои беа вклучени голем број на наставници од основните и средните училишта. Еден од тие проекти беше и ТВ-училница. Во таа образовна емисија од нашето училиште се вклучија предметниот наставник по биологија Сандра Трпчевска и одделенскиот наставник Ирена Ѓоршевска. По повод 65 роденден на општина Кисела Вода, на 29.06.2020 (понеделник) општина Кисела Вода додели благодарници на наставниците Ирена Ѓоршевска и Сандра Трпчевска, за нивниот придонес во ТВ-училница за време на вонредни ковид - услови во образованието.


Ученици на генерацијата



На 13.06.2020 година  класните раководители  ги поделија свидетелствата на учениците  од  деветто  одделение. Истовремено  на учениците со континуиран одличен успех им беа поделени пофалници со голема благодарност за нивните  залагања и постигнувања во рамките на училиштето и надвор од него.
Тоа беа следните ученици: Јана Велкоска, Ива Тасевска 9-а, Емељ Чико и Јана Костадиновска од 9-б, Јована Николовска и Катерина Павловска од 9-в, и Ивановска Надица, Здравевска Ангела, Јаковлевска Горјана и Ангеловска Матеа од 9-г одд.
Бевме почестени од присуството на директорката која со огромно задоволство им ги врачи дипломите и пригодните подароци (звучници) на избраните ученици на генерација:  Емељ Чико 9-б, Марко Стефковски 9-а, и Јована Николовска од 9-в одд.
По повод  65 годишнината од работата на општината на 29.06.2020 на сите  првенци  од  основните училишта на општина Кисела Вода градоначалникот им додели пригодни подароци.
                                                                       Одговорен наставник: Мишевска Љуба


понедељак, 29. јун 2020.

„Се забавуваме и учиме низ игра“



         По  иницијатива на одделенските наставнички Мануела Маркоска и Виолета Николин во месец мај започна проектот ,,Учиме и се забавуваме низ игра“. Нивниот предлог со задоволство беше прифатен  од директорката Љубица Наумовска, за што  даде морална поддршка, но и соодветни средства и материјали за негова реализација. Исто така  нивниот предлог со задоволство го прифатија колешките од одделенска настава: Ана Јаневска, Ирена Ѓоршевска, Елизабета Младеновска, Татјана Трпевска, Цветанка Гајдовска, Горица Арсовска, и предметните наставници Сандра Трпчевска и  Даниел Манасиев. По обезбедување на  соодветен материјал и средства за работа со голем ентузијазам се премина на негова реализација, а сè во интерес на учениците. Имавме размената на различни  идеи, дискутиравме да бидат опфатени повеќе наставни предмети (македонски јазик, математика, природни науки), а сè со цел овој проект да создава  стимулативна, когнитивна, едукативна средина  и средина за развивање на моторичките движења на учениците низ игри.  Се согласивме што сè ќе се слика, изработивме шаблони, го подготвивме теренот  и се премина на реализација на  проектот „Се забавуваме и учиме низ игра“. Со оглед на временските услови направивме  мала пауза. Но, проектот продолжува и во втора фаза.


петак, 12. јун 2020.

On line работилницата на тема „Лето“



... Ииииии конечно долго посакуваниот 10 јуни, конечно распуст... нема учење... нема пишување домашни... Иако поразличен од сите претходни години сепак се потрудивме да оставиме белег и овој 10 јуни да биде важен и значаен како и сите останати.
... Иии како за крај на оваа учебна година ние учениците од 3-б одд. од ООУ„Рајко Жинзифов“ од нас. Драчево, одлучивме да ја заокружиме со една креативна ликовна работилница на тема „Лето“.
Лето, море, сонце, плажа, нуркачи, лежалки, чадори се само дел од нашата богата ликовна ризница... при тоа користевме најразлични материјали  школки, камчиња, колаж, боички, ,пластелин, цевки ... ииии што ли уште не... гледајте и уживајте...
Имајте најубав летен одмор со вашите најблиски каде и да сте... не е важно дали оваа година ќе одиме на море... важно е да останеме здрави и живи и да бидеме опкружени со сите оние  што си ги сакаме!!! Се надеваме на повторна дружба од септември, а дотогаш одмарајте, уживајте, шетајте, играјте, правете го сè она што ве прави среќни...
Голема Благодарност до родителите за укажаната поддршка за сето ова време и секако до учениците кои со нетрпение го прифаќаа секој нов предизвик.
Среќно дооооолгооо топло летоооо!!!
Среќен распуст!!!

                                              Одговорни наставници: Елена Стојановска и Софија Лукровска