Набавка на наставни средства

Согласно Акциониот план за надминување на недостатоците и спроведување на препораките од Конечниот извештај од интегралната евалуација на училиштето набавени се нагледни средства:

-Фудбалски топки;

-Топки за ракомет;

-Топки за одбојка;

-Топки за одделенска настава;

-Рекети за пинк понг;

-Сталак за епрувети и епрувети;

-Динамометри;

-Филтер хартија;

-Лакмус син и црвен;

по наставните предмети: физичко и здравствено образование, физика и хемија.

ПРВЕНЦИ НА ГЕНЕРАЦИЈА

Нашето училиште веќе шест години по ред одржува свечена манифестација за промовирање на постигањата на најдобрите ученици на генерација, а воедно и прогласување на „првенец на генерација“.

На 14.06.2018 год. во просториите на училиштето се одржа оваа манифестација, со прогласување на најдобрите и најзаслужните ученици за генерација 2009-2018 год. Беа наградени вкупно 28 ученика, од кои ученикот Давид Ѓеорѓиевски од  IX-б одд. беше прогласен за ученик на генерација.

На оваа манифестација присуствуваа  поголем број наставници, ученици и родители.                                        

Наградите беа доделени од страна на директорката на училиштето. Одговорен наставник за реализација на оваа манифестација е Мишевска Љуба-наставник по македонски јазик.

Александар Сергеевич Пушкин

По повод роденденот на рускиот поет Александар Сергеевич Пушкин, во организација на општина Кисела Вода и Руската амбасада се одржа свечена приредба во паркот „Пушкин“ на 06.06.2018 год. на која учествуваше и нашето училиште на објавениот литературен конкурс „Животот и делото на Александар С.Пушкин“. Ученичката Емељ Чико од VII-б одд. ја освои втората награда за литературна творба,  под менторство на наставничката по македонски јазик Мишевска Љуба, за која ѝ беше доделена диплома од општината и  благодарница  од Руската амбасада.

ПРОЕКТ ЗА МЕЃУЕТНИЧКА ИНТЕГРАЦИЈА ВО ОБРАЗОВАНИЕТО

Во подрачното училиште во нас.Пинтија на 06.06.2018год. под координација на педагогот на нашето училиште, Весна Рафеска, беше реализирана работилница од проектот МИО на тема:„Сите сакаме чиста и здрава животна средина“.

Цели на активноста: Запознавање и непосредно учење едни за други, градење на групна кохезија и кооперативност, почитување на различностите, меѓусебна соработка и комуникација.

Во активноста учествуваа вкупно 38 ученика - 16 ученика од IV одделение од партнерското училиште„Алија Авдовиќ“ од с.Батинци со нивната наставничка Ајсела Бачевац-Џоговиќ и 22 ученика од IV-г одделение под водство на нивната наставничка Даниела Костадинова.

Во воведната активност преку знакот за рециклирање - пренамена на отпадните материјали во нешто корисно и потсетување на важноста за сите луѓе на целиот свет без разлика на пол, вера и националност за чиста и здрава животна средина се дадоа напатствија за играта „Рециклирај“ од образовниот пакет„Green pack junior“ со примена на ИКТ. Со ждрепка беа избрани 2 групи по 4 ученика изедначени по етничка припадност за да ја одиграат играта. Победник е онаа група која ќе освои повеќе поени, односно точно ги селектира отпадоците во контејнерите обележани за намената.

Во втората активност учениците се поделија во 6  групи во мешан состав и секоја од нив имаше задача на хамер да ги распореди сликичките на различни материјали во нацртаните контејнери. Ги селектираа во контејнери за: хартија, стакло, пластика и алуминиум. Имаше и сликички на материјали кои не припаѓаа на ниту еден од тие контејнери, па требаше да се залепат во едно множество надвор од контејнерите.

По презентирањето на активноста на сите 6 групи следеше заклучок дека сите можеме да придонесеме на најразлични начини да имаме чиста и здрава животна средина. Пораката беше кажана и напишана на двата наставни јазика.

Завршната активност ни беше садење на цвеќе како симбол на чиста и здрава животна средина. Каде нема отпадоци, растат цвеќиња. Беа посадени две цвеќиња со пораки за пријателство меѓу двете групи на кои му се радуваа двете одделенија. Едното цвеќе го подаривме на нашите гости, а другото цвеќе остана во нашата училница да го негуваме како „Цвеќе на пријателството“

                                              Одговорен наставник: Даниела Костадинова

ПРОЕКТ ЗА МЕЃУЕТНИЧКА ИНТЕГРАЦИЈА ВО ОБРАЗОВАНИЕТО

Работилница: „Скопје мојот град“

Учениците од V -г одделение од подрачното училиште во н. Пинтија заедно со учениците од партнерското училиште „Алија Авдовиќ“ од с.Батинци на 06.06.2018 год. успешно ја сработија креативната работилница на тема: „Скопје мојот град “.

Учениците се запознаа со содржината и активностите за денешниот час преку презентација за градот Скопје. Се потсетија на богатото културно и историско минато и на верските објекти во градот: цркви, џамии, амами...

 Учениците кои зедоа учество, поделени во избалансирани групи по пол и етничка припадност имаа за цел да насликаат омилени места од градот Скопје, да залепат слики на хамер и да изработаат книга за градот.

Овие активностите беа пред сè во насока на запознавање на децата и другарување, а потоа и на совладување на наставната единица. Искуството беше незаборавно - и за нас наставничките и за учениците. Овој час беше пример за тоа дека многу лесно можеме да бидеме заедно, да се дружиме, да спроведуваме активности, сеедно од која националност сме, сеедно која вера ја имаме. Дружењето не познава граници, ниту верски ниту национални. Овие дечиња го покажаа тоа. Активноста во групи беше многу корисна, бидејќи учениците имаа можност подобро да се запознаат и да разменуваат идеи и мислења.

Додека  работеа наставниците ротираа од група до група и постојано беа поддршка и помош, мотивирајќи ги учениците да дискутираат за темата на која што работат. Се зборуваше на двата јазика.

На крајот учениците искажаа задоволство и среќа, научија нови работи и се спријателија со нови другарчиња.

                                                      Одговорен наставник: Кристина Никчевска

Мултимедијален хепенинг во соработка со општина Кисела Вода

На 22.05.2018 г. по повод мулти-медијалниот хепенинг кој се одржа во парк „Македонија“ под покровителство на Општина Кисела Вода, нашето училиште зеде учество со ликовни активности и ритмичко-балетска точка. Ученичките Ели Петреска и Софија Тодоровска вложија креативен труд, преку слободен мотив. Беа изработени два портрета од кои едниот беше изработен со молив а другиот со темперна боја.

Учениците од прво-б одд. се претставија со точката „Dream a dream“.

Заедно со останатите учесници од другите училишта се создаде пријатна атмосфера на ученичко ниво. Крајните резултати беа одлични и достоинствено го рефлектираат талентот на нашите млади ученици.

      Наставник по ликовно образование 

Барбарa Спасевска

Одделенски наставник

Елена Стојановска

Инклузивни работилници

Во текот на месец мај училишниот дефектолог Адријана Кукоска реализираше инклузивни работилници со ученици со цел поголемо меѓусебно почитување, прифаќање, дружење.

Со учениците потврдивме дека и покрај разликите кои постојат помеѓу нас секогаш треба да се дружиме, почитуваме, помагаме и прифаќаме онакви какви што сме.

Инклузивна работилница „Сите заедно се дружиме“ со I одделение

Секој ученик ја нацрта својата дланка, ја исече и на истата нацрта нешто карактеристично за него. Потврдивме дека покрај тоа што изработките ни се слични сепак секоја дланка е специфична, посебна и единствена, но и дека без разлика каква дланка имаме ние секогаш ќе се дружиме!

Инклузивна работилница „Сите заедно се дружиме“ со III одделение

Учениците беа поделени во групи и одговараа на дадени прашања од предходно прочитан текст, одговорите ги презентираа и ги објаснуваа, секоја група нацрта цртеж карактерисичен за нивниот дел. Дојдовме до заклучок дека колку и да се трудиме да бидеме како другите, тоа не можеме да го постигнеме. Треба да сме горди на тоа што сме и секогаш да ги почитуваме различните!

Инклузивна работилница „Сите заедно се дружиме“ со VIII одделение

Учениците имаа задача даден проблем од секојдневниот живот да го решат онака како што тие мислат дека е најправилно. Секоја група го презентираше дадениот проблем и решението за истиот. По отворената дискусија заклучивме дека треба да имаме еднаков однос кон другите без разлика на разликите и сличностите и дека треба сите подеднакво да ги почитуваме!

Посeбноста на луѓето и нивната различност го прават светот поубав!

НАСТАП НА МТВ

               Na 16.05.2018g., ucenicite od prvo do devetto oddelenie od na{eto u~ili{te, imaa javen nastap na MTV, na tema „Posakav budewe“. U~enicite se pretstavija so li~ni tvorbi, dramatizacii, koreografii i mudri izreki na angliski i francuski jazik. Odgovorni nastavnici bea: Badarova Magdalena, Kolarovski Dame, Atanasovska Spaseska Maja, Dimi{kovska Valentina, Nikolin Voleta, Gurovska Aneta, Stojanovska Elena i Ilieva Biljana.

ПРОЕКТ ЗА МЕЃУЕТНИЧКА ИНТЕГРАЦИЈА ВО ОБРАЗОВАНИЕТО

„Бидејќи сум дете имам право на...„

На 16.05.2018 год. во подрачното училиште во н. Пинтија беше реализирана работилница од проектот МИО на тема „Бидејќи сум дете имам право на...„

 Во активноста учествуваа ученици од IV одделение од партнерското училиште „Алија Авдовиќ“ од с.Батинци со нивната наставничка Ајсела Бачевац Џоговиќ и ученици од V г одделение со наставничката Кристина Никчевска.

Целите на активноста беа продлабочување на вештините кои им се потребни за живот во мултиетничко општество, развивање на меѓусебно разбирање, другарување, соработка, почитување на различностите помеѓу двете етнички групи и прифаќање на различностите, зголемување на  свеста за меѓуетничка толеранција, градење на групна кохезија и стекнување знаење на учениците едни за други, утврдување на знаењата за детските  права.

Во воведната активност преку игра за меѓусебно запознавање, учениците си ги кажуваа своите имиња и се запознаа со имињата на новите другарчиња.

Во втората активност учениците од  V- г одделение преку ритмичката игра и пеење на песната „Имам право“ го развеселија и разубавија ова заедничко дружење, а воедно и  ја најавија содржината на часот. Следеше разговор со учениците за нивните права преку слики и шема залепена на табла на двата јазика. Активносите се спроведува на двата наставни јазика од страна на наставниците по пат на парафразирање. Потоа учениците се поделија во 5 групи во мешан состав и секој од учениците од двете етнички групи фрлаа по една од коцките со смешко. Според бројот на собраните смешковци учениците добиваат правило кое нивната група ќе го црта на хамер. Следеше работата на учениците во групите  на хамер. Во активноста учениците соработуваа, се дружеа и споделуваа  заеднички идеи и мислења.

Во завршната активност следеше презентација на групите на двата наставни јазика. Еден дел  од хамерите беа изложени во холот на училиштето на пано на МИО катчето, а дел беа подарени на гостите.

                                                      Одговорен наставник:  Кристина Никчевска

„РАКАТКИ“

На 27.04.2018 год. во Скопје беше одржан четиринаесетиот републички литературен фестивал „Ракатки“ во организација на Сојузот на писатели на Македонија, на кој учествуваа голем број основни училишта од сите градови од Македонија. Беа одбрани четириесет најдобри творби кои заслужија да бидат прочитани и наградени. На литературниот конкурс учествуваше ученичката Емељ Чико со поетската творба „Мојот дом“ од 7-б одд. Ученичката беше наградена со диплома за освоено II место.

Литературниот фестивал започна во 18 часот, во салата на „Даре Џамбаз“ со огромна посетеност. Покрај главните учесници и нивните ментори, родители и љубители на литературниот збор, беа присутни и голем број писатели за деца меѓу кои Михаил Ренџов, Славка Арсова, Велко Неделковски и многу груги, кои исто така беа дел од програмата.

Мојот дом

Многу слики, детски сказни,

детски приказни разни,

тивок и волшебен сон

се е тоа во мојот дом.

Безброј игри и смеа,

моменти на искрена љубов,

прегратки под куќната стреа

и срце што го чува домот.

Колаж од бои, спектар од чуства мои

и пораки за среќа,

по некоја честитка, ќе долета тајно

од полната дедомразовска вреќа.

И тогаш, чуствуваш полет во твојот ум,

бистро креираш, средба со јунаците свои,

од книгите одбираш сценарија

во топлите одаи твои.

Домот во срцето мое,

нека одекне силно низ ветровит  глас,

светот конечно нека дознае,

дека оттаму почнува приказната за нас.

ПРОФЕСИОНАЛНА ОРИЕНТАЦИЈА НА УЧЕНИЦИТЕ ОД ДЕВЕТТО ОДДЕЛЕНИЕ - учебна 2017/2018 г.

Согласно  годишното планирање и оваа учебна година беа реализирани повеќе активности за професионалната ориентација со учениците од девето одделение.

Уште во текот на месеците ноември и декември 2018г. од страна на психологот во училиштето Јорданка Радевска беа применети тестови за утврдување на општите и специфичните интелектуални способности на учениците како и утврдување на професионалните интереси и примена на скали за самопроценка на професионалните интереси. По обработката на тестовите се врши поврзаност помеѓу интелектуалните способности, успехот и интересите  на учениците.

По објавувањето на Конкусот за упис во средните државни училишта се изготвува презентација за Мрежата на средни државни училишта на град Скопје. Презентацијата ја реализираше педагогот на училиштето Весна Рафеска каде учениците се запознаа со видовите средни училишта и струките во поедини училишта. Детално беа појаснети критериумите за избор на ученици, предмети кои се предвидени во критериумите за рангирање на успехот, како и потребните документи за запишување.

Во месеците март и април 2018 година во соработка со средните приватни и државни училишта во нашето училиште со деветите одделенија беа реализирани презентации од следните училишта: Средно приватно училиште „Јахја Кемал“, „Саба“, ДСУ „Боро Петрушевски“, ДСУ „Владо Тасевски“,Гимназија „Раде Ј Корчагин“, ДСУ„ Здравко Цветковски“ ДСУ „Браќа Миладиновци“, ДСУ „Лазар Танев“

Во текот на месец април во соработка со Општина Кисела Вода учениците од деветто одделение имаа можност да посетат индустриски капацитети/фирми кои гравитираат во општината сè со цел полесно да ја одберат вистинската идна професија. Учениците го посетија Сојузот на здружение на возачи на Македонија во н. Драчево, каде им беа презентирани законските обврски кои ги има секој возач, какo и процедурата за регистрирање на возило и технички преглед на возило.

                                                                Училишен педагог Весна Рафеска

Проект „Безбедност во училиштата“

Одделението за превенција при СВР Скопје во текот на учебната 2017/2018 год. започна со имплементација  на активности поврзани со проектот ,,Безбедност во училиштата“ со формирање на клубови за превенција во девет основни училишта лоцирани на подрачјето во општините на град Скопје. Едно од тие училишта беше токму нашето училиште ООУ,,Рајко Жинзифов“. Координатор на проектот беше училишниот педагог Весна Рафеска.

Основна цел на проектот беше подобрување на севкупната и личната безбедност на учениците, како и намалување на сите облици и типови на насилство помеѓу учениците, препознавање на ризиците со обработување на теми како што се зависности, насилство, семејно насилство, насилство на спортски натпревари, трговија со луѓе и други облици на непримерно и девијатно однесување поврзани со младата популација.

Проектот започна со формирање на Клуб на превенција во кој се вклучени 26 ученици од 8 и 9 одделение  со различно поведение, пол, различен успех и мултиетнички состав.

Во текот на целата учебна 2017/2018 год. се имплементираа активности во вид на работилници со презентации на различни теми:

1.            Формирање Клуб на превенција

2.            Среќни и безбедни новогодишни празници

3.            Насилството како поим

4.            Насилство, поим , видови и форма на насилство

5.            Насилството преку социјалните мрежи

6.            Насилство на спортски натпревари

7.            Семејно насилство

8.            Трговија со луѓе

Проектот заврши  на 11.05.2018г. со спортски активности во соработка со канцеларијата на ОЗФШ. Беше организиран рекреативен - спортски настан  меѓу членовите на Клубовите за превенција на основните училишта ООУ,,Невена Георгиева Дуња“, ООУ,,Св. Климент Охридски“ и ООУ „Рајко Жинзифов“. Домаќин на настанот беше нашето училиште. Настанот  беше медиумски покриен а присутен  бише и Градоначалникот на општина Кисела Вода.

Со реализација на овој проект очекуваме дека учениците ќе бидат едуцирани да не станат жртва или сторители на инкриминирани дејства , а воедно ќе се зајакне довербата и соработката меѓу учениците и полицијата и ќе допринесе за поинаков пристап во решавањето на проблемите преку соработка и партнерство.

                                                                                                        Директор

                                                                                           Елизабета Славковска

САЕМ НА КНИГАТА 2018

Со одобрение од  директорот на училиштето Елизабета Славковска, на 09.05.2018 год. од 11.00 до 13,00, група од 78 ученика, во придружба на наставниците: Каролина Коларовска, Анета Ѓуровска- Арсовска и Зора Лазаревска го посетија САЕМОТ НА КНИГАТА 2018 со организиран превоз, кој се одржа во спортската сала „Борис Трајковски“.

         На саемот беа разгледани штандовите на издавачките куќи и беа земени каталози и рекламни материјали од истите за следење на нивната издавачка дејност, а учениците по сопствена желба, интерес и можност купија по некоја книга. По разгледувањето на штандовите, учениците организирано се вратија во училиштето.