училишен весник: „СЕКОЈ НОВ ДЕН“ - OОУ „Рајко Жинзифов“-н.Драчево, Скопје
Посета на настан- Jazz for Kids
Нашите ученици од 4-г и 4-д одделение со своите наставнички на 29 Април со големо задоволство го посетија настанот “Jazz for kids”,кој се одржа во Парк Фредерик Шопен.
Преку музика,игра и интеракција,децата имаа можност да се запознаат со џезот на интересен и забавен начин.Настанот беше исполнет со позитивна енергија,насмевки и инспирација.
Убаво искуство кое долго ќе се памети!
Да ја славиме музиката заедно!
Во месец април во нашето училиште успешно се реализира третата работилница во рамки на проектот „Насилството не е кул“, на тема „Ненасилна комуникација“.
Работилницата беше исполнета со интерактивни активности и практични вежби преку кои учениците имаа можност да ги развиваат своите комуникациски вештини, емпатијата, активното слушање и конструктивното решавање на конфликти без употреба на насилство.
Реализатори на работилницата беа училишниот психолог Бранка Бранковиќ и педагог Весна Рафеска, кои преку разновидни вежби и дискусии ги поттикнаа учениците да размислуваат за значењето на почитта, разбирањето и ненасилната комуникација во секојдневниот живот.
Учесници на работилницата беа ученици од VII и VIII одделение од нашето училиште, како и ученици од ООУ „Св. Климент Охридски“, ООУ „Кузман Шапкарев“. Заедничката работа придонесе за размена на искуства, зајакнување на меѓусебната соработка и градење позитивна училишна клима.
Работилницата претставуваше значаен чекор во промовирањето на култура на дијалог, толеранција и меѓусебно почитување, во согласност со целите на проектот „Насилството не е кул“.
психолог Бранка Бранковиќ
педагог Весна Рафеска
.jpg)
Читањето е патување, а Саемот на книга е местото каде започнуваат најубавите патувања. Денес, со учениците од 4-то до 9-то одделение, уживавме меѓу книги, нови приказни и возбудливи откритија што ќе нè поттикнат да читаме уште повеќе. 📚
Учениците беа дел и од промоцијата и
средбата со авторот Сашо Кокаланов и со книгата „Сам во рој“ – кој влезе во тесен избор за наградата „Оливера Николова“ за 2025.
Посетата на Саемот на книга ни отвори врати кон нови светови, идеи и знаења. Секоја книга што ја допревме беше нова приказна што чека да биде прочитана!
Денес на 24 .4. во нашето училиште беше топло пречекана со интересни и едукативни активности големата група од градинка. Идните првачиња имаа можност да проследат кратка приредба организирана од учениците од одделенска настава, ги посетија училниците на петите и четвртите одделенија каде се дружеа со големите другарчиња преку едукативни активности. Ја посетија фискултурната сала, училишниот двор и споделија многу насмевки, радост , задоволство, подготвувајќи се да станат дел од нашето училиште. Благодарност за соработката на сите кои се вклучија во организација на овој мал, но значаен проект каде со гордост и посветеност го претставивме нашето училиште.
Актив петто одделение
На 23-ти и 24-ти април со учениците од генерацијата VI одделение се реализираше екскурзија, при што се посетија локалитети и градови низ источниот дел од нашата земја ( Штип, Баргала, Радовиш, Водоча, Вељуса, Дојран, Стоби ) преку кои тие научија повеќе за културно - историските и природните убавини на Македонија .
Но, екскурзијата ни подари повеќе од убави места — ни подари пријателства, радост и спомени што засекогаш ќе живеат во нашите срца.
На ден 23.04.2026 година во просториите на Општина Кисела Вода, основното училиште со ресурсен центар ,,д-р Златан Сремац" промовираше Прирачник - практичен ресурс за наставници, стручни соработници и образовни асистенти во инклузивна настава, како завршен продукт од проектот ,, The green wave". Стручните сорабитници дефектолог м-р Адријана Кукоска и психолог м-р Бранка Бранковиќ пристуствуваа на настанот на кој образовните асистенти споделија свои искуства од праксата и адаптации направени за горенаведениот прирачник.
По повод 22 Април – Денот на планетата Земја, учениците од 6 и 8 одделение ,наставниците и техничкиот персонал од нашето училиште активно се вклучија во повеќе еколошки активности со цел да придонесат за почиста и позелена средина. Се спроведоа акции за чистење и средување на училишниот двор, собирање суви лисја, наводнување и садење нови садници, како и грижа и одржување на веќе насадените дрвца.
Покрај практичните активности, учениците учествуваа и на онлајн предавање организирано од МИУ мрежата и обучувачи од Едукативниот центар Негрево, каде се запознаа подетално со тресетиштата во Македонија – нивното значење, карактеристичната флора и фауна, со посебен фокус на ретката Муволовка, кое е карактеристично растение за тресетишта и е редок и интересен вид. Дознавме како таа се прилагодува на живот во сиромашни почви преку факање инсекти, како и заканите со кои се соочуваат и мерките за нивна заштита,едукација и одговорно однесување кон природата. Предавањето беше многу интересно и едукативно, и ни помогна подобро да ја разбереме важноста од зачувување на овие вредни природни богатства.
Одговорен наставник : Билјана Наунова
Етвининг училиште 2026/2027
Нашето училиште повторно доби ознака за Етвининг училиште 2026/2027 година.Нека ова биде мотив повеќе за сите нас во реализација на успешни проекти
Little Hippo
Лара Стојаноска Трпческа- IVг (ментор:Маја Димеска Костоски)
Андреа Петкоска- IV д (ментор:Маја Димеска Костоски)
Hippo 1
Давор Митревски- V д (ментор:Стефан Трајчевски)
Никола Ѓурчески- V б (ментор:Александра Колевска)
Срѓан Лазиќ- V г (ментор:Стефан Трајчевски)
Калин Колевски -VI а (ментор:Анета Макревска)
Hippo 2
Анастасија Славковска-VII a (ментор:Магдалена Бадарова)
Стела Шоклевска- VII a (ментор:Магдалена Бадарова)
Даријан Илиовски- VII б (ментор:Магдалена Бадарова)
Hippo 3
Лара Ивановска- VIII a (ментор:Магдалена Бадарова)
Ирина Јаворац-IX г (ментор:Маја Димеска Костоски)
Честитки
На ден 16.4.2026 година, во подрачното училиште во Пинтија, беше реализирана работилница на тема „Булинг“, наменета за учениците од V-д одделение. Работилницата ја реализираше училишниот психолог.
Целта на работилницата беше учениците да се запознаат со поимот булинг, неговите форми и последиците што може да ги предизвика.
Преку разговор, примери и интерактивни активности, учениците имаа можност да научат како да го препознаат булингот, но и како да реагираат доколку се најдат во таква ситуација – како жртви или сведоци. Особено внимание беше посветено на навредувањето, исклучувањето од друштво и ширењето негативни пораки.
Учениците активно учествуваа, споделуваа свои мислења и искуства и покажаа голема заинтересираност за темата. Преку заедничка дискусија се истакна важноста на почитта, емпатијата и меѓусебната поддршка.
Заклучокот од работилницата беше дека секој ученик има важна улога во создавање безбедна и пријатна училишна средина, каде што булингот нема место.
Психолог Бранка Бранковиќ
.jpg)
Со учениците од IX одделение бевме гости во Клубчето на лицата со церебрална парализа и нивните родители.
Заедно со нашите пријатели од клубче творевме, изработувавме, украсувавме за претстојниот празник Велигден.
Оваа работилница беше можност за дружење, креативност и меѓусебна поддршка – затоа што секогаш заедно сме посилни!
дефектолог м-р Адријана Кукоска
По повод 7 април - Светскиот ден на здравјето, во одделенска настава, со учениците од прво до петто одделение беа реализирани низа активности, под мотото : Здраво дете - среќно дете.
Целта на активностите беше да се подигне свеста кај учениците за значењето на здравиот начин на живот, правилната исхрана, физичката активнот и личната хигиена.
Реализирани активности:
Прво одделение: спортски активности, чинија полна витамини;
Второ и трето одделение: квиз прашања , ликовни творби;
Четврто и петто одделение: изработка на постер со пораки.
Денес, 7 април со Ученичкиот парламент од нашето училиште го одбележавме Светскиот ден на здравјето.
Овој ден нè потсетува колку е важно да се грижиме за нашето физичко и ментално здравје. Со мали навики како здрава исхрана, редовна физичка активност и доволно одмор, можеме да направиме голема разлика во нашиот живот.
Здравјето не е само отсуство на болест, туку состојба на целосна физичка, ментална и социјална благосостојба. Грижата за себе и за заедницата е клучна за подобра иднина
Да се грижиме за себе – затоа што здравјето е најголемо богатство!
психолог м-р Бранка Бранковиќ
Конфликтите се дел од животот и ги решаваме мировно.Мирот не е само отсуство на конфликт, тој е
почит,разбирање,соработка,емпатија,добрина,заедништво.
Библиотекар:
Александра Милчева
По повод меѓународниот ден на детската литература,кој се слави за да се инспирира љубовта кон читањето и да се нагласи важноста на книгите го одбележавме со :
- уредување на училишната библиотека со поголема читална за нашите ученици и
- бевме среќни домаќини на ученици од соседните училишта.
Библиотекар: Александра Милчева
