ПАТРОНАТ 2020/2021 година

 

           И оваа учебна година, како и претходните, го одбележавме патрониот празник на нашето училиште, овој пат под мотото „Да е подобра од лани“. Единствена разлика беше тоа што поради пандемијата со Ковид вирусот, речиси сите активности беа реализирани on-line.

    Од 22. до 26. март 2021г. беа организирани ДЕНОВИ НА НАШИОТ ПАТРОН во кои беа опфатени: Читање реферат – биографии на училиштето и на преродбеникот Рајко Жинзифов, Еколошки ден, Спортски ден, Литературен и ликовен конкурс, On-line читање на литературните творби, Видео на Teams со наградени ученици и како завршна активност On-line видео приредба.

   Во сите активности учениците зедоа активно учество за што многумина од нив добија дипломи и пофалници, а од личните творби на учениците во училишната библиотека беше изработена ЗБИРКА која е поставена во училишниот google drive.

ООУ„Рајко Жинзифов“

(првобитно „Братство и единство“)

            По катастрофалниот земјотрес во 1963 година кој го погоди Скопје, благодарение на солидарност и помошта од Владата на Велика Британија, беше изградено нашето училиште кое на 1 август 1964 година во населбата Драчево започна со работа овој „втор дом“ за 1226  ученика   распоредени  во  24  паралелки  од I до VIII одделение со кои раководеа и се грижеа за нив 33 учителки, учители  и  одделенски  раководители. Со растењето на населбата  растеше  и  бројот   на  учениците  поради  што  во  текот  на  тие годините беа отворени и  подрачни училишта  кои  потоа  се  осамостоија (ОУ „Кузман Шапкарев“ во населба Драчево и ЦОУ„Алија Авдовиќ“ во село Батинци), а исто така беше отворено и подрачното училиште во населба Пинтија во кое првобитно се изведуваше настава за учениците од I до IV одделение, а сега и од  I  до  IX  одделение. 

         Учебната 2014 година, благодарение на македонското  пријателство со Република Кина, ја  започнавме  во  нов  современ училишен објект изграден според  современите стандарди за  изведба на  наставно-образовниот  процес. Училиштето   располага  со  34500m2 од  кои 34 се училници за изведување на кабинетска  настава, специјализиран  кабинет  за  странски  јазици, комплетно  опремен  кабинет  по  информатика со најнова  технологија, опремени кабинети за  предметите од природни науки, техничко образование, богата училишна библиотека, наставнички канцаларии и други пропратни простории. Околу училиштето имаме уреден училишен двор, парк, зеленило и уредни патеки, фискултурна сала, фудбалско игралиште со специјализирана атлетска патека, а веднаш до него кошаркарско  игралиште каде учениците со задоволство уживаат во спортувањето.

        Уште од првиот  ден сите  вработени, и наставниот и административно-техничкиот персонал, целосно се вклучени во  планирањето и извршувањето на програмските цели и задачи на училиштето што резултира со конкретна мисија и визија според кои денес работиме: создавање поттикнувачка работна средина по високи етички стандарди на начин кој овозможува оспособување за живот и кој влева доверба кај учениците, наставниците и родителите; училиштето да биде безбедна, модерна средина во која што ќе се почитуваат разликите, со континуиран развој на наставниот кадар и со квалитетна настава базирана на современа методологија прилагодена на интересите на учениците.

      Нудиме организирана работна средина со грижа и подршка на секоја индивидуа, поттикнувајќи ја одговорноста, креативноста, успешноста и соработката меѓу сите субјекти. Сакаме да создадеме училиште во кое учениците ќе стекнуваат квалитетни знаења, високи постигнувања, самодоверба и вештини на комуникација кои ќе ја развиваат нивната интелектуална, емоционална и социјална зрелост. 

         Па затоа мотото на нашето училиште е: „Формирај го темелот на својата иднина“!

РАЈКО ЖИНЗИФОВ

(15 февруари 1839 – 15 февруари 1877г.)

Рајко Жинзифов е роден во Велес, во познато велешко семејство. Неговиот татко работел како учител во хеленизирани училишта и израснат под влијанието на грчкиот дух, тој му го дава на својот син грчкото име Ксенофон (на македонски Рајко). Основно училиште завршува во Велес, а подоцна му помага во учителската дејност на својот татко во Прилеп.

Во 1856г. се придружува на Димитар Миладинов во борбата за културна преродба на македонскиот народ. Токму затоа станува помошник - учител на Димитар Миладинов во Прилеп и Кукуш, каде што се залага за отстранување на грчкото влијание во училиштата.

Во 1858г. ја напушта Македонија и заминува во Русија за да студира на Московскиот универзитет каде е под заштита на  Константин Миладинов, кој реално му ја отсликува студената руска атмосфера. Во овој период Жинзифов воспоставува врски со некои македонски студенти и зема активна работа во партијата на учениците од словенските региони под турска власт. Воодушевен од дејноста на браќата Миладиновци, Жинзифов започнува да ја пишува нивната биографија.

По завршувањето на студиите, работи како професор по старогрчки јазик во една од московските гимназии. Во тој период ја издава својата единствена стихозбирка, а работи и на препеви од руски, украински и чешки јазик. Соработувал и со неколку бугарски весници: „Дунавска зора“, „Македонија“, „Слобода“ и др. каде што објавува дел од своите песни, а и свои статии, во кои остро се спротивставува на елинизацијата на македонскиот народ, со што го навлекол гневот на многумина.

Последните години од својот живот, ги минува во бедни услови, како емигрант во Русија, каде што и згаснува неговиот живот, во 1877година. 

Во текот на својот живот, објавил 39 песни во својата единствена стихозбирка, од кои најзначајни се: „Глас” и „На Велигден” Значаен е и како автор на првиот расказ во нашата литература со наслов: „На прошедба”. Сепак, најзначајна трага во македонската книжевност остава со поемата „Крвава кошула“ издадена во 1870 во Романија. Во поемата се осудува турската тиранија и се опишува неподносливиот живот на нашиот народ под турско ропство. Поемата опишува вистински настан во кој една мајка, откако Турците ѝ го убиле единствениот син, ја донела неговата крвава кошула во град за да ја покаже на народот во црковниот двор.

Со сета оваа своја активност: со борбата против грчката елинизација, со својата учителска дејност, со своите песни со патриотска и социјална тематика, со првиот расказ во македонската книжевност, како и со поемата „Крвава кошула“  Жинзифов оставил силен печат зад себе и светла трага во македонската книжевност од 19 век.

                                                         Изработил: Никола Станковиќ – училишен библиотекар

На 22.03.2021 год. по повод недела на Петронатот на нашето училиште, одбележување на Светски ден на шумите и заштита на планетата Земја, се спроведе активност со учениците од I до III одделение со физичко присуство. Учениците преку боење ги искажаа своите емоции и чувства за подобра и почиста иднина - да ја зачуваме планетата Земја!

                                                                  Одговорен наставник: Цветанка Ѓорѓиевска

Денот на пролетта и екологијата учениците од  I-г, II-д и III-г одделение од подрачното училиште во Пинтија го одбележаа со садење на цвеќиња, пишување на Еко пораки, уредување на Еколошкото катче, изработка на хамери и цртежи.

                                                    Одговорен наставник: Кристина Никчевска

Согласно годишната програма на училиштето за одбележување на 21 Март  - Денот на екологијата и во рамки на еколошкиот ден по повод деновите на нашиот патрон, учениците од IV и V одделение творea на темата „Чиста природа - здрав живот“. Учениците својата креативност ја искажаа преку ликовни и литературни творби со што го одбележаа овој ден и упатија порака – ДА ЈА ЧУВАМЕ ПРИРОДАТА, ЗОШТО ЧИСТАТА ПРИРОДА НИ ДАВА СРЕЌНО, ВЕСЕЛО , БЕЗГРИЖНО ДЕТСТВО И ЗДРАВ ЖИВОТ. 

                              Одговорни наставници:  Весна Стевановска и Ирена Ѓоршевска

Онлајн еко-работилницата

 

По повод 21 март- светскиот ден на шумите и 22 март- денот на водата, предметните наставници по биологија и природни науки, Сандра Трпчевска и Билјана Милутиноска одржаа онлајн еко-работилница со учениците од 5 до 9 одделение. Оваа работилница беше одржана во склоп на неделата на празнување на патрониот празник на нашето училиште.

Учениците на свој уметнички начин ја претставија важноста на растенијата за добробитот на нашата планета. Дел од учениците преку своите цртежи испратија и важна порака „Да ја зачуваме планетата, да го зачуваме зеленилото, само зелена планета е среќна планета, а ние жителите на оваа драгоцена Земја, немаме резервна планета!“. Дел од нив решија овој ден да го обележат и со засадување на растение во својот дом. Со своите цртежи и пораки ја најавија и следната работилница за светскиот ден на планетата Земја.

Работилницата започна со дискусија помеѓу учениците, за моменталната состојба на планетата, шумите и водата, а оваа дискусија се разви, па учениците дојдоа до заклучок на кој начин се загадуваат почвата, водата и воздухот, како и на кој начин тоа може да се намали и спречи.

            Одговорни наставници: Сандра Трпчевска и Билјана Милутиноска

 Учениците и спортските активности – сигурна комбинација за здравје, среќа и напредок

Спортскиот дух на нашите ученици го развиваме преку разновидни активности што ги организираме во нашето училиште. Една таква активност беше и СПОРТСКОТ ДЕН во рамките на „Денови на нашиот патрон“.

Голема заслуга учениците да бидат вклучени во спортските активности има наставникот по физичко и здравствено образование проф. м-р Елеонора Живковиќ заедно со тандем наставниците од одделенска настава, кои и во услови на пандемијата со Ковид вирусот, со почитување на сите мерки се трудат да го развеселат училишниот ден и да ја разбијат секојдневната монотонија.

Практикување на спортските активности се од големо значење за правилно растење и развивање на учениците што претставува наша основна цел. За таа цел спортските активности се дел од секојдневната настава и несебично се трудиме да ги практикуваме во секој слободен момент во текот на наставниот ден.

Литературно читање

по повод патрониот празник на училиштето

 

По повод патрониот ден на нашето училиште, се одржаа низа активности, меѓу кои и литературниот конкурс на тема ,,Да е подобра од лани.” Учениците од четврто до деветто одделение твореа прозни и поетски текстови на дадената тема. Одѕивот беше масовен, така што до нашето училиште пристигнаа вкупно 32 творби. Откако беа разгледани сите пристигнати творби, комисијата составена од предметните наставници по македонски јазик едногласно одлучија да ги наградат следниве ученици:

- 1 награда – Александра Андонова 9в и Урфета Тополец 9б

- 2 награда – Борјан Петров 7а и Ивона Радеска 7г

- 3 награда – Ема Кечовска 8а и Дарио Стојановски 6а

Сите ученици имаа можност да се претстават со своите творби кои ги прочитаа на литературното читање кое се одржа на 24.3.2021 г. со почеток во 12 часот, на Teems платформата. На ова читање присуствуваа директорката на училиштето, претставници од стручната служба, наставници, родители и ученици. Ова беше убава можност за заедничко дружење на кое дојде до израз креативноста на учениците кои твореа и низ пишан збор ги искажуваа своите желби за подобро утро.

На наградените ученици, како за литературниот, така и за ликовниот конкурс им беа доделени дипломи, а останатите ученици добија пофалници, со кои на симболичен начин им беше искажана благодарност за нивниот труд.

    Одговорни наставници:  Каролина Коларовска, Љуба Мишевска, Елена Ристевска

          Во одделенска настава за IV и V одделение беа наградени следниве ученици:

1 место - Никола Арсовски 5 б и Ангелина Димишковска 5 в 

2 место - Нина Милосавлевска 5 г и Јована Митрулова 4 в 

3 место - Јована Цветковиќ 5 а и Кјара Николовска 4 б 

 

      

      По повод патрониот празник членовите на литературната секција под водство на наставничката Елена Ристевска со заедничка лична творба и оваа година му искажаа чест на големиот македонски преродбеник Рајко Жинзифов.       

      На следниов линк може да ја видите објавената творба во интернет изданието на весникот „Нова Македонија“:

https://www.novamakedonija.com.mk/prilozi/kolibri/%d1%83%d1%87%d0%b5%d0%bd%d0%b8%d1%86%d0%b8%d1%82%d0%b5-%d0%be%d0%b4-%d0%be%d1%83-%d1%80%d0%b0%d1%98%d0%ba%d0%be-%d0%b6%d0%b8%d0%bd%d0%b7%d0%b8%d1%84%d0%be%d0%b2-%d0%b2%d0%be-%d1%81/

Oд личните творби на учениците во училишната библиотека беше изработена ЗБИРКА која е поставена во училишниот google drive која можете да ја видите/превземете на следнава адреса:

https://drive.google.com/drive/folders/1fo81pHFdt5g-cUmYPJ8bJKfb24fs8eXL

ЗАВРШНА МАНИФЕСТАЦИЈА ПО ПОВОД ПАТРОНИОТ ДЕН НА УЧИИШТЕТО

 

Свечената on-line приредба по повод нашиот патрон  се одржа на 26.3.2021 година со почеток во 12.00 ч. под мотото „ДА Е ПОДОБРА ОД ЛАНИ“. За таа цел беа снимени две видеа каде беа прикажани активностите во училиштето по повод патрониот празник.

Директорот на училиштето Љубица Наумовска ги поздрави присутните и го честиташе денот на училиштето со желба за уште поголеми успеси и постигнувања во сите сфери на училиштето.

Првото видео  ги содржеше активностите од деновите на патронатот од 22 до 26 март 2021г. и истото изобилуваше со многубројни активности со учениците. Во видеото беа прикажани и наградените литературни и ликовни творби по објавениот конкурс со мото „ДА Е ПОДОБРА ОД ЛАНИ“.

 Линк до видеото

https://www.youtube.com/watch?v=YlKa7KegU-I

 

 Второто видео содржеше културно – уметнички точки во кои земаа учество поголем број ученици под менторство на наставниците.

-          Хорска изведба на песната „Да е подобра од лани“;

-          Драматизација на ученици по дадено сценарио;

-          Драматизација со искази на англиски и македонски јазик;

-          Инструментална изведба;

-          Драматизација на слушана композиција „Rainbow“;

-          Мисли и изреки на француски јазик;

-          Кореографија на песната „Да е подобра од лани“;

-          Ритмички чекори, придружени со пораки од ученици.

 Линк до видеото:

                https://youtu.be/OMOaDvA8eLY

                                                                                    Педагог:  Весна Рафеска

Работилница по повод одбележувањето на 21 Март Светскиот ден на лицата со Даунов синдром

 

Во чест на децата со најубава насмевка!!!  Во чест на сите различни деца!!!

21.03. - Светскиот ден на лицата со Даунов синдром во нашата паралелка IV-б одд. беше одбележан симболично во кругот на најблиските со облекување на две шарени  чорапчиња кој всушност е заеднички чинител во сите земји.

Целта на оваа работилница беше покренување на свеста за овие лица бидејќи живееме во ист свет, делиме исто секојдневие, да се обидеме да го смениме нивниот живот од раѓањето, да  помогнеме да станат возрасни единки кои можат да придонесат во нашето општество.

Заедно да го направиме светот подобро и поубаво место за живеење ...не само на 21ви март, туку секој ден!!!            

                                                                   Одговорен наставник: Елена Стојановска

Општински натпревар по англиски јазик

со учениците од V до IX одделение

 

На 20.03.2021 год, преку платформата MS Teams се одржа Општински натпревар по англиски јазик со учениците од V до IX одделение,

Учениците од нашето училипте ги постигнаа следните резултати:

V одд. (ментор Александра Колевска)

·        1 место: Јан Петрушески

·        3 место: Јована Цветковиќ

VI одд. (ментор Маја Димеска и Магдалена Бадарова)

·        1 место: Антонио Стојчески

·        1 место: Андријана Стојановска

 

VII одд. (ментор Маја Димеска)

·        1 место: Ивона Радеска

·        1 место: Јана Стамкова

 

 VIII одд. (ментор Анета Макревска)

·        1 место: Леа Петрушеска

·        1 место: Матеј Јаневски

 

IX одд. (ментор Анета Макревска)

·        2 место: Анастасија Манчевска

·        3 место: Ана Крстевска

 

Сите ученици се пласираа за учество на Регионален натпревар.

Литературен конкурс на тема: „Патриотската поезија на Шандор Петефи“

 

По повод  националниот празник на унгарскиот народ кој се одбележува на 15 март во соработка со општина Кисела Вода, беше објавен литературен конкурс на тема: „Патриотската поезија на Шандор Петефи“. Ученикот Матеј Колигов од 7-а одделение ја доби првата награда за најдобра поетска творба и по тој повод беше поканет на свечениот прием од  Унгарската амбасада заедно со својот ментор Мишевска Љуба и директорката Љубица Наумовска. Исто така во н. Драчево беше положено цвеќе на спомен-плочата на Шандор Петефи од страна на амбасадорот и градоначалникот на општината. Ученикот беше повикан да ја интерпретира својата творба каде му беше врачена дипломата и пригодни подароци.

                      Одговорен наставник по македонски јазик Мишевска Љуба

Општински и регионален натпревар по математика

 Ученици од V а и в  учествуваа на општински натпревар по математика кој се одржа на ден 20.2.2021 година , така што учениците Јан Петрушески, Андреј Петковски и Леонид Темелковски  од V а одделение освоија второ место и Александар Муриќ од V в одделение  освои трето место и истите имаа можност да учествуваа на регионалниот натпревар по математика.

На регионалниот натпревар по математика кој се одржа на 13.3.2021 година ученикот Јан Петрушески од V а одделение  освои второ место, а ученикот Александар Муриќ доби пофалница.

                                   Одделенски наставник : Весна Стевановска

8 Март - Денот на жената

 

8 Март - Денот на жената

 

Учениците од  VI и  VII oдделение и овој пат посакаа низ стихови да ја пренесат љубовта кон својата мајка, но и да го честитаат празникот 8 Март - Денот на жената, на сите припаднички на понежниот пол.

Учениците твореа под менторство на наставничката Мишевска Љуба, а од нивните творби во училишната библиотека беше изработена збирка која можете да ја погледнете или превземете од учлишниот google drive во папката: „ЗБИРКИ – лични творби на ученици“ на следнава адреса: https://drive.google.com/drive/folders/1fo81pHFdt5g-cUmYPJ8bJKfb24fs8eXL

Еве и дел од творбите објавени во збирката:

Пробно тестирање за меѓународна студија- ПИРЛС, читање со разбирање

 

         Во текот на учебната 2020/21 година во соработка со БРО и МОН повеќекратно сите четврти одделенија се спремавме, така што одржувавме повеќе часа со ослободени текстови од ПИРЛС и за истите правевме анализа и праќавме соопштенија. Од сите четврти одделенија по случаен избор беше назначено IV/г одделение да биде дел од тестирањето. На 2.3.2021г вторник, учениците од IV/г учествуваа на пробното тестирање за меѓународната студија ПИРЛС, читање со разбирање, со согласност на родителите. Постоеше неизвеснот и возбуда, но и задоволство. Се спремаме за главното тестирање кое ќе се одржи во месец април. Драги мои ученици ви посакувам успех.

Одделенски наставник на IV/г одд. и наставник – кординатор: Кети Сталеска.

Училишен кординатор- педагог: Весна Рафеска.

Тестатори:  Даниела Костадинова и Кристина Никчевска.

Заменици тестатори: Ивана Илиевска- Огњановска, Богданка Пановска.

Наставници кои ги прегледуваа тестовите:  Елена Стојановска, Ана Јаневска, Билјана Илиева.

Во текот на тестирањето присуствуваше набљудувач, лице преставник од БРО. 

ЈАС И МОЕТО НОВО ДРУГАРЧЕ – НИЕ СМЕ СЛИЧНИ И РАЗЛИЧНИ

             На 26.02.2021 г. петок, IV/г, одделенскиот наставник Кети Сталеска во соработка со IV/в и нивната наставничка Ана Јаневска, одржавме заеднички час по македонски јазик на тема „Јас и моето другарче – ние сме слични и различни“, интерна МИМО активност. Часот го започнавме со игровна активност. Учениците имаа подготвено црвено и зелено картонче со ДА и НЕ и имаа задача да даваат свое објаснување дали се согласуваат или не со одредено тврдење поврзано со другарството. Потоа разговаравме и заедно, си разменувме мислења што е важно за да започне едно ново другарство. Потоа учениците од двете одделенија презентираа делови од својата култура и потекло. Дел од учениците беа облечени во традиционална облека, дел во модерна секојдневна облека. Некои ученици истражувале и подготвиле презентации и постери кои ги презентираа. Имаше и ученици кои со помош на своите родители подготвиле традиционални јадења. Исто така учениците прикажаа и делови од своите соби каде беа уредени сценски со традиционални елементи, но и модерно. Разговаравме и ја опишувавме различната традиција, култура, верувања, но и најважните детски желби поврзани со социјализацијата (другарувањето). Учениците самостојна изведоа заклучок дека всушност сите деца се исти и посакуваат исти нешта. Разликите се само начини на размислувања и верувања кои пренесувајќи се од колено, на колено прераснале во традиција. И во сите нив има позитивности кои може само да ни го разубават животот додека другаруваме. На крајот од часот слушавме музика која не развесели и по малку срамежливо танцувавме. На овој час ни гостуваа директорката Љубица Наумовска, педагогот Весна Рафеска и дефектологот Андријана Кукоска. Дополнително со учениците од IV/г активноста ја интегриравме со часот по ликовно образование каде од различни зрнести материи направивме уметнички творби со деца облечени во традиционална облека. Задоволството беше големо и учениците од двете одделенија посакаа да имаме повеќе вакви заеднички часови. Активностите од часот може да ги погледнете прикажани во видео на следниот линк https://www.facebook.com/ucenjeprekuigra/videos/2904800866416149

ДЕН НА МАЈЧИНИОТ ЈАЗИК

 

По повод меѓународниот ден на  мајчиниот јазик  21 февруари, учениците од седмо одделение изработија презентација за развојот на македонскиот јазик, додека пак учениците од шесто одделение твореа во чест на својот јазик под менторство на наставничката по македонски јазик Мишевска Љуба.

За македонцка народност, македонцка литература и литературен јазик није ке можиме да му мислиме само, кога ќе заживејеме једнаш слободен политичен живот; а до тогај нам ни требит, није да сме сојединени.

Мојот мајчин јазик

  Читајќи ги старите пожолтени книги од древните просветители се повеќе навлегував и размислував за нашиот мајчин јазик. Секакви мисли ми се вртеа низ главата. Си поставив многу прашања но само на едно не можев да најдам вистински одговор. Што всушност претставува нашиот мајчин јазик? Ова длабоко сеќавање е мостот до нашата иднина. Сонцето кое го осветлува нашиот пат, ѕвездата која постојано ќе не следи во животот.                                                                                                     

 Мајчиниот јазик е бесценета книга која постјано се надоградува,наша духовна храна, наш идентите.Тој е нашата основа, она што не држи исправени, патоказ кон животот.Библиотека, полна со стари историски книги. Додека читав се повеќе и повеќе се задлабочував во речениците. Сјајот во моите очи не згаснуваше. Неизвесноста растеше,а со тоа се зголемуваше и љубопитноста кај мене. Си помислив ова безвременско бујно дрво е коренот на нашиот живот кој треба да го негуваме и чуваме. Нашите просветители  го посветиле својот живот за да го создадат она што денес го имаме-свој  јазик,гордост,македонски збор.Тие ни го подариле ова најсилно и најскапоцено оружје. Го осветлиле времето на незнаењето,ја осветлиле нашата иднина.Тоа е најголемото богатство што еден човек може да го поседува.Столб  на кој можеме да се потпреме во секое време. „Да се откаже човек од својот мајчин јазик значи да се откаже од својот народен дух“-овие зборови на Мисирков се всушност најголемата вистина на постоењето на еден народ. Ние имаме мајчин јазик кој е наш,наша иднина,наша надеж наше постоење.

                                                               Изработила:Јована Пешова VIa 

МОЈОТ МАЈЧИН ЈАЗИК

 

Тој како невино срнино око е чист,

ко белото лице на младата мамичка ист.

Јасен и точен како уметничка слика,

пријатен и мил како познатата мајчина лика.

 

Бистар и брз како планински извор блика,

тој, деца, мајчин јазик се вика.

Тој ти го осветлува патот, ти дава сила,

те води низ животот како птица леснокрила.

 

Во темната,  бескрајна ноќ,

тој е единствената сјајна ѕвезда, единствена моќ.

Како гласот на славејот песнопоен,

како слаткиот мирис на цветот разнобоен.

 

Петар Томановски   VIа

 

Горе-прикажаната презентација можете да ја видите или превземете на следнава адреса:

https://docs.google.com/viewer?a=v&pid=sites&srcid=ZGVmYXVsdGRvbWFpbnxyYWprb3ppbnppZm92fGd4OjFmY2E5MDA2YzA2YmZkOGU

Online училишен натпревар по англиски јазик

 

На 17.02.2021 година се одржа online училишен натпревар по англиски јазик за учениците од 5то одделение. На натпреварот учествуваа 10 ученика под менторство на наставничките Александра Колевска и Маја Димеска.

 5а – Јан Петрушевски, Леонид Темелковски, Јована Цветковиќ

 5б – Дарио Јанушевски и Елена Петровска

 5в – Томи Анчевски, Ангелина Димишковска, Максим Ѓоршевски

 5г – Лео Андовски и Стефанија Богдановска

Најголем број на поени освоија учениците Јована Цветковиќ и Јан Петрушевски кои продолжуваат со учество на општинскиот натпревар по англиски јазик.

ВО ЧЕСТ НА РАЈКО ЖИНЗИФОВ

        На 15 февруари оваа година се потсетивме на човекот  кој отсекогаш се вбројувал во оние литературни дејци кои многу придонеле за татковината. Тој ни е ѕвезда на небото, која како патоказ ни го осветли вистинскиот пат кон светлата иднина. Нему чест му искажаа и оваа учебна година учениците од основното и подрачното училиште „Рајко Жинзифов“ од н.Драчево и н.Пинтија. По повод денот на нивниот патрон, учениците од литературната секција, под водство на наставничката по македонски јазик Елена Ристевска, твореа во чест на Рајко Жинзифов. 

ДОНАЦИЈА - ТАБЛЕТИ

        Благодарение на донацијата од „Макпетрол“ АД, за учениците од нашето училиште се обезбедија триесетина  таблети за следење на онлајн настава.

      За таа цел на. 12. 02. 2021 г. во училиштето на учениците чии семејства не беа во можност да им ја  набават потребната компјутерска опрема, во присуство на претседателот на Советот на ОКВ Дарио Шимич и директорот  на училиштето Љубица Наумовска  на пригоден начин  им беа поделени таблетите.

    За донацијата вредна 219.849,00 денари, во име на градоначалникот Филип Темелковски, претседателот и директорот упатија  голема благодарност до „Макпетрол“ АД.

      Во перидот кој следува, учениците ќе можат непречено да ја следат наставата од далечина, а се со цел постигнување на подобри резултати во воспитно-образовниот процес.

                                                                                       Пеадгог:  Весна Рафеска

ПРОФЕСИОНАЛНА ОРИЕНТАЦИЈА НА УЧЕНИЦИТЕ ЗА ЗАПИШУВАЊЕ ВО СРЕДНО СТРУЧНО УЧИЛИШТЕ

 

    Во рамките на  проектот „Образование за вработување во Северна Македонија“, финансиран од страна на Швајцарската Агенција за Развој и Соработка, претставници од Филозофскиот факултет во Скопје, професори од Филозофскиот факултет се ангажирани како експерти во делот на вклучување ученици со попреченост од редовните, посебните основни и средни училишта од државата. На 5 февруари – петок, со почитување на сите мерки за заштита од Вирусот Ковид-19, експертите остварија посета во нашето училиште и поразговараа со учениците со попречност со цел вклучување во идни активности поврзани со процесот на образование, афирмација на средните стучни училишта. По разговорот на учениците им беше поделен промотивен материјал и беше договорена и понатамошна соработка.

                                                                Дефектолог: Адријана Кукоска