Одбележување на Светскиот ден на здравјето

 

Во периодот од 3.4.- 8.4.2024 год. се одржаа низа активности по повод 7 Април- Светскиот ден на здравјето. Во деновите посветени на здравјето, сите одделенски наставници и ученици од I до V одд. активно учествуваа.

Учениците од I до III одд. изработија ликовни творби, под мотото ,,Повеќе овошје јади, а помалку чоколади" , а учениците од IV и Vодд напишаа креативни пораки за здравјето. Учениците од IV - в одд. подготвија драматизација ,, Чистотата е половина здравје", за учениците од I до III одд.

Психологот на училиштето одржа работилница со учениците од IV-в одд. ,,Грижа за менталното здравје".

Одделенски наставник Елизабета Младеноска

ООУ ,,Рајко Жинзифов” во Драчево добива модерен спортски терен и инклузивна сензорна училница на отворено

 

На 8.4.2034 Градоначалникот Орце Ѓорѓиевски и претставници од Општина Кисела Вода извршија  увид во ООУ ,,Рајко Жинзифов”, каде веќе во завршна фаза е изградбата на новите модерни спортски терени, изведени по сите стандарди.

Се работи за поголем простор од околу 2200 квадрати на кој е поставена нова трева, стативи, осветлување, а просторот е ограден со нова ограда.

Со ова се создаваат одлични можности за нашите учениците да ги развиваат своите таленти, да спортуваат и да се развиваат.

Влогот во младите е влог во иднината!

Посетени обуки, трибини и конференции во второто полугодие

 

Во второто полугодие во учебната 2023/2024 година вработените од ООУ „Рајко Жинзифов" земаа учество во повеќе обуки и конференции, сѐ со цел стекнување на нови знаења и зајакнување на веќе постоечки компетенции. Благодарејќи на соработката и поддршката на Општина Кисела Вода, вработените од ООУ „Рајко Жинзифов" имаа можност да присуствуваат на следните обуки, трибини и конференции:

23.2.2024 - Обука „Предизвикувачко однесување“ во ОУРЦ „Златан Сремец“ - Весна Рафеска, Бранка Бранковиќ Стојковиќ и Адријана Кукоска

12.3.2024 – Кампања за свесно родителство со повеќе работилници реализирани од страна на Илина Ведран во Домот на култура „Билјана Беличанец“ во соработка со Општина Кисела Вода  -  директор Горанчо Јакимов, психолог Бранка Бранковиќ Стојковиќ, дефектолог Адријана Кукоска и предметен наставник Магдалена Бадарова

13.3.2024 - претстава форум театар  на тема "Врсничко насилство" во соработка со Општина Косела Вода во Дом култура Драчево  -  Бранка Бранковиќ Стојковиќ, Адријана Кукоска и Анета Ѓуроска Арсоска

20.3.2024 - „Улогата на жените во раното препознавање на криминалот и создавање на побезбедна заедница“ во хотел „Хилтон“ - Мисијата на ОБСЕ и Министарство за внатрешни работи - Бранка Бранковиќ Стојковиќ

3.4.2024 - Обука „Зајакнување на капацитетите за управување со менструалното здравје и хигиена“  во склоп на проектот за унапредување на основното образование (ПЕИП) организиран од МОН. Место на обуката хотел Александар Палас - Бранка Бранковиќ Стојковиќ и Мануела Маркоска

22.3.2024 и 23.3.2024 - Обука за унапредување на ментално здравје и добросостојбата на адолесцентите во образовниот систем во ООУ „Партение Зоографски“ - Бранка Бранковиќ Стојковиќ и Адријана Кукоска

27.3.2024 - Трибина на тема „Заштита од вознемирување на работно место врз жени, дискриминација и права од работен однос“ во Домот на култура „Билјана Беличанец“ во соработка со Општина Кисела Вода  -  директор Горанчо Јакимов, психолог Бранка Бранковиќ Стојковиќ, дефектолог Адријана Кукоска и предметен наставник Магдалена Бадарова

12.4.2024 - Обука „Зајакнување на капацитетите на професионалците во предучилишните и училишните установи за потребите на децата со Аутистичен спектар на нарушување“  во Дом на култура „Билјана Беличанец “ во соработка со ОКВ -  директор Горанчо Јакимов, наставници:  Магдалена Бадарова, Вилма Влаховиќ, Кирил Атанасовски и Александра Колевска, психолог Бранка Бранковиќ Стојковиќ и дефектолог Адријана Кукоска

18.5.2024 и 19.5.2024 - Логопедско - дефектолошки - психолошки конгрес организиран од ГАСПАР Центар за психофизичко здравје во соработка со Општината Кисела Вода во Дом на култура „Билјана Беличанец“ - Директор Горанчо Јакимов, педагог Весна Рафеска, психолог Бранка Бранковиќ Стојковиќ, дефектолог Адријана Кукоска и наставници: Магдалена Бадарова, Мануела Маркоска и Виолета Николин.

21.5.2024 - Прва конференција на психолози и психотерапевсти во организација на Македонската асоцијација на психолози и психотерапевти во „Public Room“ - Бранка Бранковиќ Стојковиќ

31.5.2024 - Посета во средно училиште "Браќа Миладиновци" во Драчево - средба со стручните соработници од ОКВ и промоција на средното училиште "Браќа Миладиновци" - Бранка Бранковиќ Стојковиќ и Адријана Кукоска

психолог Бранка Бранковиќ Стојковиќ

наставник Магдалена Бадарова

Донација од родител во подрачното училиште

 

Во подрачното училиште ООУ„Рајко Жинзифов“ во Пинтија родителот Саше Михајловски, таткото  на учениците Матеј Михајловски од 9то одделение и Максим Михајловски од 3то одделение донираше инвентар. Учениците добија нови клупи.

Му благодариме на хуманоста на родителот.

наставник Ленче Танушевска

Промоцијата на најдобрите (генерација 2015-2024)

 

Најдобра паралелка со најголеми постигнувања 9 - а под раководство на одделенски раководители Елизабета Младеновска, Горица Станковска и класен раководител Љупка Мишевска. Ученици на генерација Јована Пешова 9 - а и Антонио Стојчески 9 - г. Континуирано одлични ученици:  Ема Станоеска 9 - а, Дарио Стојановски 9 - а, Милица Јорданоска 9 - а, Тамара Илиоска 9 - б, Тамара Ангелеска 9 - в, Тајла Муковиќ 9 - в, Александар Стојчески 9 - г, Матеј Михајловски 9 - г и Јована Кузмановска од 9 - г одд. Честитки до сите ученици.

Наставници:

Љупка Мишевска

Валентина Јаневска

Горан Петковиќ

Ленче Танушевска

Краткотрајна МИМО активност

 

На ден 6.6.2024 год. реализирана е уште една работилница во склоп на МИМО проектот. Работилницата е реализирана во соработка со партнер училиштето ООУ „Алија Авдовиќ". Учениците од шесто одделение од ООУ"Рајко Жинзифов" во посета на партнер училиштето ООУ „Алија Авдовиќ" имаа можност да ги претстават традиционалните и културните вредности, како и народната кујна на нашата татковина Македонија.

Исто така,  учениците имаа единствена прилика да се запознаат со обичаите и традицијата на нивната култура. Целта на оваа работилница е промоција на љубовта, заедништво, еднаковста и убавината на различностите. Носители на оваа активност се училишниот педагог Весна Рафеска и предметен наставник по англиски јазик Магдалена Бадарова.

Одговорни:

педагог Весна Рафеска

предметен наставник Магдалена Бадарова

Завршен процес на професионална ориентација на учениците

 

       Процесот на професионална ориентација во нашето училиште се спроведува согласно Програмата за професионална ориентација во текот на учебната година и трае скоро цела учебна година. Во овој процес опфатени се учениците од девето и осмо одделение. Во процесот на професионална ориентација вклучени се училишниот психолог и педагог, раководители на пралелките од девето одделение, а по потреба се вклучуваат и предметни наставници, како и специјалален едукатор и  рехабилитатор.

Првично, училишниот психолог спроведува тестови во врска со проценка на афинитети, склоности, интереси и способности на учениците, како и различни анкети. Училишниот педагог  реализира презентации на теми поврзани со професионална ориентација, со цел учениците да ги добијат потребните информации за достапни средни училишта. Раководители на паралелките реализираат работилници поврзани со различни теми за професионална ориентација, а по потреба се вклучуваат и предметни наставници, сѐ со цел да се олесни овој процес и добијат релевантни информации кои ќе допринесат да се донесе правилна одлука во врска со изборот на средното училиште.

На крајот на самиот процес училишниот психолог врз основа на горепосочените активности и резултати од истите, дава препорака на учениците (од девето одделение) за упис во средни училишта.

Психолог Бранка Бранковиќ Стојковиќ

Педагог Весна Рафеска

Извештај од реализираната работилница во Национален парк Галичица

 

        06.06.2024 г. Родител во улога на наставник-Учениците од 2 - д одд. беа во улога на „Млади истражувачи“ дел од Мрежата за искуствено учење (МИУ) која ја води Македонското еколошко друштво  и им дава можност да искусат истражување кое не само што ги збогатува нивните знаења  туку и ги поттикнува да се грижат за природата и да ја чуваат. Го посетија НПГаличица и во улога на „Млади истражувачи“ со огромен интерес се впуштија во истражувањето: набљудуваа, колекционираа материјал и го анализираа во лабораторија. Покажаа колку може да се знае за природата ,но и колку таа може да се почитува и сака.Благодарност до родителот кој ни овозможи да бидеме дел од овие работилници!        

Одделенски наставник Елена Стојановска

ОДБЕЛЕЖУВАЊЕ НА 2 АПРИЛ - СВЕТСКИ ДЕН НА АУТИЗМОТ

 

    На 2 април се одбележува Светскиот ден за подигнување на свеста за аутизмот. Пред 17 години, Генералното собрание на Обединетите нации го воспостави овој ден, поттикнувајќи акции за подигање на општата свест за состојбите од спектарот на аутизам.

Аутизмот не е болест, туку состојба при која луѓето кои живеат со него имаат поинаков начин на интерпретација на зборовите, боите, формите и звуците на светот околу нас.  Со персонализиран и специјализиран терапевтски третман, можно е да се зголеми квалитетот на живот на лицата засегнати од аутизам.

Препознатлив симбол за аутизмот е парче сложувалка во сина боја. Бојата го претставува спокојството што им е потребно на семејствата и на луѓето со аутизам за да живеат со таа состојба, а делот од сложувалката означува дека лицето со аутизам не се изолира себеси затоа што тоа го сака и му треба поддршка од другите.     

Во нашето училилиште, дефектологот реализираше работилници со учениците од Училишен парламент, II, III и IV одделение во кои со пригодно видео и изработки го одбележавме овој значаен ден за што поголемо прифаќање и поддршка за лицата со аутизам.

 Дефектолог Адријана Кукоска

Етвининг проект ,,Take Action With Steam”

 

Во периодот од февруари до мај училиштето е учествуваше во Етвининг проект,, Take Action With Steam,, во соработка со 12 земји од Европа (Романија, Турција, Хрватска, Србија, Грција, Полска, Шпанија, Либан, Словачка, Франција , Литванија и Македонија) во кој учество земаат учениците од прво а, в - продолжен престој и учениците од 2 г подрачното училиште во Пинтија.

Во 2015 година, светските лидери се согласија на 17 глобални цели за постигнување 3 клучни работи до 2030 година. Запирање на екстремната сиромаштија. Борба против нееднаквоста и неправдата. Поправање на климатските промени. Глобалните цели за одржлив развој можат да ги исполнат овие обврски. во сите земји. За сите луѓе. За да се реализираат, сите треба да ги знаат овие цели.

Со овој проект ќе се обидеме да најдеме решенија за овие проблеми со STEM за да ги постигнеме целите #Takeaction, преку реализација на активности, примена на ИКТ алатки, развој на логичко размислување на учениците преку користење на СТЕМ активности (наука, технологија, едукација и математика).

Проектот е реализиран и поставен на европската платформа и е во фаза на одобрување за ознака за европски квалитет.

Одговорни наставници : Маја Атанасовска Спасеска и Ирена Ѓоршевска

Извештај за реализирани активности од Етвининг проектот ,,Стем во приказните” со учениците од I - a одделение

 

СТЕМ во приказните , кој се реализираше од октомври до мај, решававме проблемски ситуации кои се појавуваа во книгите и приказните , математички активности , истражување и употреба на разни видови на ИТ алатки.

 Книга 1 - Грдото пајче

Ученици ги идентификуваа проблемите.. Учениците направија патека со помош на кодирање, која го водеше пајчето до својот дом откако тоа стана убав и бел лебед Месецот декември беше исполнет со активности за приказната ,,Грдото пајче“  Х.К. Андерсен.

Книга бр, 2 ,, Штурецот и мравката"

Следење на видео за приказната, детектирање проблем, разгодор , дискусија – како да му помогнеме на штурецот да ја презими зимата. Учениците направија куќичка од лего коцки за штурецот да може да ја презими зимата. Ја пренесоа пораката ,,Не биди мрзлив, работи напорно”.

Книга 3 – „Алиса во земјата на чудата“

Го гледавме видеото, активности - анализа , математички активности, наука, технологија и инженерство.Заклучивме дека секогаш треба да сонуваме и да го следиме нашиот сон, никогаш да не се откажуваме и храбро да ги пребродуваме сите препреки.

Книга бр. 4 ,, Трите прасиња"

Следење видео, читање на приказната и детектирање на проблем, редење сложувалки, математички активности, истражување кои материјали се добри за градење куќичка која ќе биде безбедна.

Одделенски наставник

Маја Атанасовска Спасеска

Извештај од реализираната посета во МАТКА - Изложбен центар

 

На ден 07.06.2024 год. учениците од II - г и II - д одд. од подрачното училиште реализираа посета во Матка-Изложбен центар и ги збогатија своите знаења.

Учениците беа подготвени да влезат во светот на науката и електрониката преку едукативна тура и посета на Изложбениот центар кој се наоѓа во старата хидроцентрала и содржи преку  30 интерактивни експонати и одблизу се запознаа со историјата и можностите на електричната енергија.Едукаторот на интересен начин достапен за нивната возраст и љубопитност им објаснуваше кој ја измислил првата батерија,за еволуцијата на електричната енергија преку видео,за првиот електрифициран град,видоа одблизу како сончевата енергија се претвора во електрична со помош на сончеви панели, како може да го искористиме ветерот и да создадеме електрична енергија со помош на ветерници...

Малите научници беа подготвени да научат нешто ново и се здобија со  многу нови и интересни факти за струјата.Голема благодарност на домаќините кои ни го овозможија ова невообичаено искуство   и не научија за електричната енргија ,нејзиното значење, но и како да ја користиме рационално.                                                                   

Одделенски наставници:                                

Елена Стојановска                                                        

Валентина Димишковска

 

Проект - ЗАПОЗНАЈ ЈА ТАТКОВИНАТА ЗА ДА ЈА ЗАСАКАШ ПОВЕЌЕ

 Предмет - Општество

Учениците од 3 г одд. по предметот општество изработија книги на тема ЗАПОЗНАЈ ЈА ТАТКОВИНАТА ЗА ДА ЈА ЗАСАКАШ ПОВЕЌЕ, истражуваа и презентираа за градот Крушево, Дојран и Дојранското Езеро, Охрид и охридските убавини, Струмица - Беласица, Смоларски и Колешински водопади, само еден мал дел од сите убавини што ни ги нуди нашта Македонија

Оделенски наставник Ирена Ѓоршевска

Учениците од III Г одделение го завршија Етвининг проектот

 

СТЕМ во приказните , кој се реализираше од октомври до мај, решававме проблемски ситуации кои се појавуваа во книгите и приказните , математички активности , истражување и употреба на разни видови на ИТ алатки.

Книга бр. 4 МАРФИ КОМПИРКАТА

Одделенски наставник Ирена Ѓоршевска

III г одделение продолжуваат со Етвининг проекти

Стем во приказните книга 3 – „Алиса во земјата на чудата“

Го гледавме видеото, активности - анализа и оригами.Заклучивме дека никогаш не треба да престанеме да сонуваме. Ја поставивме тезата дека:

Aко не знаеш каде одиш, која е твојата цел, не е ни важно по кој пат одиш.

Одделенски наставник Ирена Ѓоршевски

III г одделение продолжуваат со Етвининг проекти

 

Стем во приказните книга 2 - ,Заспаната убавица,,

Прво го гледаме видеото за оваа приказна , ја прочитавме книгата , потоа разговараме за приказната, направивме активности со боење, сложувалки, решавање проблеми, дискусија, откривање пораки.

Пораката е ДОБРИНАТА И ЉУБОВТА СЕКОГАШ ПОБЕДУВААТ!!!

Одделенски наставник Ирена Ѓоршевска

III г одделение продолжуваат со Етвининг проекти

 

,,Стем во приказните“ книга 1 - Грдото пајче е новиот проект.

Ученици ги идентификуваа проблемите. Како решение беше усвоена идејата доколку се изгради куќичка, грдото пајче поудобно ќе ја помине зимата. Учениците дизајнираа куќа која ќе ги задоволи потребите на пајчето во текот на зимската сезона и поудобно да ја помине ладната зима. Направивме и вештачки снег за да го доловиме моментот. Месецот декември беше исполнет со активности за приказната ,,Грдото пајче“  Х.К. Андерсен

Одделенски наставник Ирена Ѓоршевска

Извештај за реализирана посета на зоолошка градина

 

На ден 07.06.2024 учениците од првите одделенија беа во посета на зоолошката градина во гимназијата ,,Браќа Миладиновци“ н. Драчево - развиваа културни навики при посета, се запознаа со животните од средината во која живеат, научија како треба да се грижат за животните. Учениците изразија позитивни емоции.

Одделенски наставници: Маја Атанасовска Спасеска , Билјана Шоклевска, Цветанка Ѓорѓиевска, Марија Петровска

Извештај за посетa кино - Киноверзум Кисела Вода

 

На ден 16.07.2024 година учениците од првите одделенија од централното и подрачното училиште во рамките на изборен предмет се реализираше посета на кино Киноверзум Кисела Вода - проекција на цртан филм синхронизиран на македонски јазик ,,Смрдушковци“. Учениците се стекнаа со навики за културно однесување при посета на кино, стекнаа навики за грижа за животната средина, негуваа позитивни емоции.

одделенски наставник: Маја Атанасовска Спасовска

Работилница на тема „Булинг“ во склоп на кампањата „Крени глас протов врсничко насилство“

 

Во подрачното училиште во месец Април училишниот психолог Бранка Бранковиќ реализираше работилница на тема „Булинг“ во подрачното училиште со учениците од шесто одделение. Реализирана е втора едукативна работилница против врсничко насилство која компанијата „Макпетрол“  ја организираше во рамките на едукативна кампања „Крени глас протов врсничко насилство“.

Целта на работилница е да се препознае дете кое е жртва на насилство, кои се карактеристики на сторителот на насилство и како најдобро учениците можат да реагираат во случај на појава на ваков вид на однесување.

психолог Бранка Бранковиќ Стојковиќ

Работилница на тема „Врсничко насилство“

 

Во месец Април училишниот психолог реализираше работилница на тема „Врсничко насилство“ со ученици од трето одделение во централното училиште. Работилницата има за цел учениците да ги запознае со поимот „насилно однесување“, различни видови на насилство, карактеристики на сторителот на насилство и карактеристи на жртва.  На учениците им е укажано како треба да реагираат доколку се сведоци на насилство и кому треба да се обратат за помош.

 

психолог Бранка Бранковиќ Стојковиќ

Работилница на тема „Ментално здравје на младите“

 

Во месец Април училишниот психолог и педагог реализираа работилници на тема „Ментално здравје на младите“ со учениците од шесто одделение во подрачното училиште. Целта на оваа работилница е учениците да се стекнат со самодоверба и да научат асертивно да комуникацираат за да не се чувствуваат осамени, туку поврзани. Оваа и други работилници поврзани со темата „Ментално здравје“ имаат за цел  училиштето да го направат место во кое учениците ќе сакаат да престојуваат, во кое ќе бидат вклучени и нивното мислење и нивните чувства ќе бидат земени предвид.

психолог Бранка Бранковиќ Стојковиќ

педагог Весна Рафеска

Работилница на тема „Грижа за ментално здравје“

 

На ден 9.4.2024 година училишниот психолог реализираше работилница на тема „Грижа за ментално здравје“ со учениците од трето одделение во централното училиште, се со цел учениците да се запознаат со поимот „ментално здравје“ и на вистински начин да се справат со  животни предизвици кои може да влијаат менталното здравје да се промени. На пример, соочување со тешка ситуација, која може да не исцрпи и да ја надвладее нашата способност да се справиме со ново настанатите состојби.

Психолог Бранка Бранковиќ Стојковиќ

Соработка со градинката "Осми март"

 

        На ден 25.4.2014 беше реализирана посета од вработените и децата од градинката „Осми март“ во ООУ „Рајко Жинзифов“. Голема радост ни донесоа слатките, големи дечиња од градинката Осми Март  со нивните воспитувачки. Тие беа одлични во реализацијата на сите предвидени активности и се подготвени  за упис во прво одделение. Па среќно  идни првачиња

Одделенски наставници

Мануела Маркоска

Весна Миланоска

Извештај за остварена едукативна посета на Музеј на македонската борба

 

За учениците од 4-те одделенија од ООУ „Рајко Жинзифов“  од централното и подрачното училиште ,на 9 април 2024г. беше организирана и успешно остварена едукативна посета на музејот на македонската борба.Во рамките на посетата учениците слушаа објаснување од водич во музејот додека ги разгледуваа поставките. На овој начин тие ги продлабочија своите знаења за историјата на Македонија и за тоа како таа е претставена во горенаведениот музеј. Преку слушањето на објаснувањето и разгледувањето на поставките беше остварено поврзување со материјата што се учи во рамките на наставните програми за Историја во 4-то одделение.

 

Одделенски наставник : Ивана Илијевска Огњановска