„ПОСАКАВ - БУДЕЊЕ...“

Уредување на холот по повод Патрониот празник на училиштето

Тимот за естетско уредување во согласност со сценариото кое беше под истото мото ,,Посакав - будење...“  го осмисли естетското уредување на просторот. Беа изработени пролетни мотиви на стиропор, декорирани со цветови, пеперутки, птици  и кукла облечена во  цветна креација која асоцираше пролет. Исто така беа осмислени пораки и мудри изреки во корелација со мотото.

Литературен конкурс на тема „Посакав - будење...“

                По повод  патрониот празник но нашето училиште се организираше литературно читање на прозни и поетски творби на тема:  „Посакав - будење...“. На литературниот конкурс учествуваа ученици од трето до деветто одделение, како во матичното така и во подрачното училиште во н. Пинтија. Оваа година за прв пат покрај на македонски јазик се твореше  на англиски и француски јазик. Комисијата се потруди да ги одбере најдобрите и да ги награди со пофалници. Со лични творби учествуваа и наставниците и родителите. Литературното читање се одржа во просториите на училишната библиотека на 16.03.2018 во 10 ч. во организација на одговорните наставници:  Мишевска Љуба, Маја Атанасовска, Макревска Анета, Магдалена Бадарова и Анета Ѓуровска.

             Беа наградени следните ученици:

(Предметна настава)

1.место Ева Карамановска - 8-б одд.

2.место Емељ Чико - 7-б одд.

2.место Тамара Милошевска - 8-а одд.

3.место Јана Велкоска - 7-а одд.

(Одделенска настава)

1.место Ивона Радеска - 4-г одд.

2.место Ема Тарчуговска - 5-б одд.

3.место Сара Ибровиќ - 4-б одд.

(Предметна настава)-творби на англиски јазик

1.место Ева Карамановска - 8-б одд.

1.место Ели Петреска - 8-б одд.

2.место Глорија Стојчева - 9-а одд.

(Предметна настава)-творби на француски  јазик

1.место Лејла Ибровиќ - 6-б одд.

БЛАГОДАРНИЦИ ЗА:

Мира Јовеска - одд. наставник

Ленче Златеска - родител

Mеѓуодделенски натпревар по Англиски јазик

за учениците од 4-то одделение

Во рамките на активностите за Денови на училиштето на 13.03.2018 година (вторник) од 11:00 - 12:00 часот се одржа меѓуодделенски натпревар по Англиски јазик за учениците од 4-то одделение. На натпреварот учествуваа вкупно 20 ученика под менторство на наставничката Александра Колевска.

            IV-a одд. – Димитар Жајковски, Лука Ивновски, Сандра Јаневска, Марко Стефковски, Даниел Тодевски;

            IV-б одд. – Миа Јаневска, Марко Маркоски, Лина Стаменкоска, Анастасија Стојкова, Константин Шоклевски;

            IV-в одд. – Eва Арсовска, Марија Ѓорѓевиќ, Јана Илиева, Христијан Јовановски, Ема Павловска;

            IV-г одд. -  Давид Здравковски, Јана Мирческа, Ивона Радеска, Мила Станковска.

Најголем број поени и прво место освои ученикот Давид Здравковски од IV-г одделение, на второ место е ученичката Ивона Радеска од IV-г одделение, а на трето место е ученичката Марија Ѓорѓевиќ од IV-в одделение.

.

ИСТОРИСКИ ДЕН

14.03.2018г.

Меѓународен натпревар по математика

 „Кенгур без граници-2018“

По повод престојниот Патронен празник на нашето училиште и одбележување на Денот на екологија на ден 15.03.2018,  се одржа Меѓународниот натпревар по математика „Кенгур без граници - 2018“. На натпреварот учествуваа 89 ученика од прво до деветто одделение во траење од 75 минути.

Меѓународниот натпревар по математика „Кенгур 2017“ се одржува секогаш на ист ден во цела Европа и на истиот активно учествуваат ученици од сите земји. Целта на овој натпревар е да се зголеми интересирањето за математиката и природните науки, да се зголеми степенот на логичкото размислување кај учениците, како и да се искорити стекнатото знење по математика.

Одговорни:

Предметните наставници по математика

Ликовен ден-ликовен колаж

 По повод одбележување на деновите на училиштето, на 16.03.2018 година беше реализиран ликовен ден: ликовен колаж – творење на тема: „Посакав - будење ...“ Учесници беа учениците од одделенска и предметна настава. Се направија прекрасни изработки со примена на различни техники....  Изработените паноа беа поставени во холот на училиштето, со што се даде придонес во украсувањето на холот за свечената приредба по повод Патрониот ден!

Одговорни наставници:

Одделенска настава-Татјана Трпеска

Предметна настава- Барбара Спасевска

Во рамките на планираните активности по повод одбележување на денови на училиштето на 16.03.2018 година и во подрачното ушилиште во н. Пинтија беше реализиран ликовен ден: ликовен колаж – творење на тема: „Посакав - будење ...“ Учениците од Продолжен престој и од одделенска настава под водство на нивните наставнички со нивните вешти рачиња направија прекрасни изработки со примена на различни техники. Секое одделение имаше своја подтема за екологијата, природата, новото утро... Изработените паноа ќе го красат холот на училиштето.

                                                    Одговорен наставник: Даниела Костадинова

СПОРТСКИ ДЕН

                  На 17.03.2018г. од 9 до 11 часот се одржа спортски ден „Спортуваме и се забавуваме“ во рамките на ДЕНОВИТЕ НА УЧИЛИШТЕТО. По тој повод беа организирани спортски натпревари во фудбал за машки. Во натпреварите зедоа учество ученици од шесто до деветто одделение. Во првиот натпревар помеѓу 8. и 9. одделение победник беше 8. одделение, а во натпреварот помеѓу 6. и 7. одделение победник беше 7. одделение со резултат 4:2.

        Натпреварите кои се одржаа беа од спортски и забавен карактер и сите ученици беа победници.

                               Одговорни наставници (наставници по физичко и здравствено образование):

                                               Маја Грнчиштанова, Јовица Ефтовски и Горан Андреевски

СВЕЧЕНА ПРИРЕДБА

       На 20.03.2018 година беше реализирана СВЕЧЕНАТА ПРИРЕДБА на тема „ПОСАКАВ БУДЕЊЕ“ како последна планирана активност во ДЕНОВИТЕ НА НАШЕТО УЧИЛИШТЕ.

               Во почетокот пред голем број гости и родители имаше обраќање кон присутните директорката Елизабета Славковска, а воедно ја искористи  можноста и да ѝ го честита, во свое име и во име на целиот колектив, одењето во пензија на нашата ценета колешка - училишниот педагог Јорданка Радевска, и да ѝ посака долги и среќни пензионерски денови.

        Во продолжение на приредбата настапија учениците со низа точки во чија подготовка и реализација учествуваа и голем број одделенски и предметни наставници.

1.      Песна „Crazy dream“ - III одд. (Вики Николин)

2.      Водителки + поздравен говор на директорката

3.      Кратки изреки - V одд. (Маја А.С.)

4.      Ритмичка точка "Pink Panter" - I одд. (Билјана Илиева)

5.      Извадоци од песни - рецитирање - V одд. (Мира)

6.      Песна „Сакам да сум свој“ - IV одд. (Мануела)

7.      Говорење на англиски јазик - мудри мисли - IX одд. (А.Макреска)

8.      Песна „Dreamer“ + I одд. (Елена Стојановска)

9.      Музика за француски па Цитати на француски јазик - VIII одд. (А.Ѓуровска)

10.  Песна „Крајно време е...“ + II одд. (В.Димишковска)

ОДБЕЛЕЖУВАЊЕ НА ДЕНОТ НА МАЈЧИНИОТ ЈАЗИК

Општина Кисела Вода, преку Секторот за образование, предучилишно воспитување, култура и спорт во соработка со основните училишта по 11- ти пат свечено го одбележа Денот на мајчиниот јазик. Во присуство на градоначалникот Филип Темелковски, претседателот на Советот и раководителот на Секторот за образование, предучилишно воспитување, култура и спорт, беше одржана пригодна свеченост на која учениците од Општината се претставија со музички и ритмички точки, а беа доделени и наградите за најуспешните од конкурсот на тема ,,Мајчиниот јазик – културен и историски белег на нашата татковина“.Се работеше за литературен и ликовен конкурс на кој активно учество зедоа учениците од основните училишта од општината поделени во две категории. Во првата беа ученици од прво до петто одделени, а во втората основците од шесто до деветто одделение.

Комисијата од Општина Кисела Вода ги награди следните ученици од нашето училиште:

 Литературни творби -  I  категорија

III Место  Инес Стојчевска  V–а,  ООУ ,, Рајко Жинзифов“. Ментор: Богданка Пановска

Литературни творби -  II  категорија

III Место (проза)  Ева Карамановска  VII– б,  ООУ ,, Рајко Жинзифов“. Ментор: Љуба Мишевска

ОПШТИНСКИ   НАТРЕВАР   ПО 

ПРИРОДНИ НАУКИ ЗА ЧЕТВРТО ОДДЕЛЕНИЕ

На 03.03.2018 год. во ООУ,, Круме Кепески“, Кисела Вода се одржа Општински натпревар по Природни науки и Биологија за учениците од IV до IX одделение.  

        На ниво на  четвртите одделеније  учествуваа   ученици од  IV–б и од IV-г одделение под менторство на наставниците: Мануела Маркоска и Даниела Костадинова.

      Од IV–б одделение беа учениците:

Сара Ибровиќ, Миа Јаневска,Марко Маркоски, Матеј Колигов под менторство на Мануела Маркоска.

     Од IV-г одделение беа учениците:

Ивона Радеска, Марко Николовски, Јана Мирческа и Мила Станковска под менторство на Даниела Костадинова.

      Подготвени ги чекаме резултатите од општинскиот натпревар за да видиме кој ќе учествува на регионалниот натпревар по природни науки што ќе се оддржи на 15.04.2018 година.

                                                                                             одд.наставник:

                                                              Даниела Костадинова

ПРОЕКТ  „Рециклирање кажи - ДА“

Со цел да ја зачуваме животната средина и да ја подигнеме еколошката свест  во нашето училиште се реализира проектот „Рециклирање - кажи ДА“ во соработка со фирмата за рециклирање  пластика ПАКОМАК.

За месец февруари собрани се 4925 стари пластични шишиња во  централното училиште и 1625 пластични шишиња во  подрачното училиште или вкупно 6550 стари пластични шишиња.

Се наградува  IV – в одделение кое има собрано вкупно 844 пластични шишиња.

Се наградува  ученикот   Милош  Милошески од  I – б кој има предадено  388 пластични шишиња.

Се наградува  IV – г одделение - Пинтија  кое има собрано вкупно 616  пластични шишиња.

Се наградува  ученикот   Ален  од  IV – г одделение - Пинтија кој има предадено  123  пластични шишиња.

Се наградува ученикот  Јован Мирчевски  од  VI - г одделение кој има предадено  261  пластично  шише.

IX – г  одделение добива пофалница.

Училиштето за наградените ученици и одделенија обезбеди скомни награди.

Општинскиот натпревар по математика на учениците од ООУ „Рајко Жинзифов” одржан на 24. 02. 2018г.

На 24.02.2018г. се одржа општинскиот натпревар по математика на учениците од 4-то до 9-то одделение од основно образование во ОУ„Партенија Зографски“-Кисела Вода.

На ниво на  четвртите одделеније  учествуваа   ученици од  IV–б и од IV-г одделение: Миа Јаневска IV–б одд., Марко Маркоски IV–б одд.:ментор Мануела Маркоска  и  Јана Мирчевска од IV-г одд.:ментор Даниела Костадинова.

На натпреварот како тестатор од нашето училиште за одделенска настава беше одделенскиот наставник Мануела Маркоска.

Нашето училиште учествуваше со 19 ученици, од кои Дамјан Георгиевски од 9-г одд. освои втора награда, а 8 ученика беа пофалени. Право на учество на регионалниот натпревар кој ќе се одржи на 31.03.2018г. имаат 13 ученика (ученици кои освоиле 30 и повеќе од 30 поени на општинскиот натпревар).

       Регионалниот натпревар на учениците од основно образование ќе се одржи на 31.03. 2018г. со почеток во 09:00 часот и со времетраење од 150 минути.

Училиште домаќин:  ОУ „Марко Цепенков“ – Зелениково

       На натпреварот ќе бидат дадени 5 задачи кои ќе се вреднуваат со вкупно 100  бода.

Актив на математичари при ООУ „Рајко Жинзифов“

Професионален развој на наставниот кадар

Согласно Годишната програма за работа на училиштето и програмското планирање за професионален развој на наставниот кадар на 24. 02. 2018 год. училиштето во соработка со Друштвото за консалтинг и услуги КОУЧИНГ-Н организираше и реализираше обука на тема:

„Користење на инклузивни стратегии за учење и поучување на ученици со посебни образовни потреби“.

Обуката ја водеше Велика Миленковска - дефектолог, а ја посетија 29 наставника од одделенска и предметна настава.

Учесниците на крај се здобија со сертификати.

Одржан училишен натпревар по математика

Годишниот училишен натпревар по математика беше одржан на 12 февруари 2018г. од 12.30 до 13.30 часот. Се натпреваруваа ученици од четврто до деветто одделение во ООУ „Рајко Жинзифов“.

Од четвртите одделенија учествуваа 25 ученика, од кои по еден ја добија првата, втората  и третата награда, а 5 ученика добија пофалници.

Од петтите одделенија исто така се натпреваруваа 25 ученика, од кои дури три ја освоија првата награда, шестмина втората, осум ученика ја добија третата награда, а пет добија пофалници.

Од шестите одделенија на натпреварот учествуваа 16 ученика, од кои еден ја доби втората награда.

Од седмите учество земаа 14 ученика, од кои беа доделени две први награда и четири втори, а петмина добија пофалници.

Од осмите се натпреваруваа 12 ученика. Доделени беа две први награди, една втора и четири трети награди, како и две пофалници.

Од деветтите одделенија од деветте учесници по еден се здобија со првата, втората и третата награда и беа доделени четири пофалници.

На општинскиот натпревар што ќе се одржи во сабота, 24.02.2018г. во ОУ„Партенија Зографски“- Кисела вода, ќе учествуваат учениците кои ги освоија првите три места во секоја категорија.

Им честитаме на освоените награди на училишниот натпревар и им посакуваме успех на Општинскиот натпревар.

ПРОЕКТ:  „Заедничка грижа за правилно насочување на учениците“

ЦЕЛ: Зајакнување на врската „родител-ученик-наставник“, преку која ќе се овозможи  јакнење на воспитната компонента во воспитно-образовниот процес во основното образование како и усвојување на образовни цели по предметот општество.

АКТИВНОСТ: „Родителот е наставник“ - организација на ден на „родители-предавачи“, односно предавања од страна на родители стручни во одредена област.

Во рамките на горенаведената активност на 12.02.2018 година (вторник) на  првиот час, во IV-б одделение, се реализираше наставен час од страна на родителот  Бети С. Трајковска - дипломиран професор по географија. Наставната единица носеше наслов „Географска карта-обработка“, а родителот  со многу нагледности и примена на ИКТ  ја пренесе наставната содржина. На почетокот на часот учениците беа воведени во новата наставна содржина и  се поврзаа нивните претходни знаења. Со истакнување на нагледните средства: Географска карта на Светот,  Географска карта на Европа,  Географска карта на Република Македонија и Глобус се воведоа во новата наставна содржина.

Се усвоија новите поими и се направи аналогија со претходно изработениот релјеф од  глина и неговото претставуваање на Географска карта.

Сите поими ги усвоија и со помош на презентацијата која им беше  демонстрирана. На крајот од часот учениците преку рефлексија ги искажаа нивните впечатоци од часот и ги повторија поимите, при што се воочи дека целите на часот се постигнати.

За време на часот се применуваа повеќе наставни методи, форми и техники и беше постигната интеракција помеѓу учениците и „родителот-наставник“.

                                                                             Одделенски наставник

                                                                                 Мануела Маркоска

ГОСТУВАЊЕ ВО МТВ

На 13.02.2018г. (вторник) нашето училиште гостуваше во МТВ  во детската емисија “Голем одмор”.

Учесници беа  ученици од осмо и девето одделение.Темата беше спорт, па затоа учествуваа ученици кои се вклучени во спортовите одбојка, кошарка и фудбал. Во оваа емисија нашето училиште учествуваше заедно со уште неколку училишта од општина Кисела Вода. Со елементарна техника  на жонглирање со топка се претстави нашиот соученик Рамиз  Беровиќ кој поседува талент за фудбал. Се дискутираше за здравиот живот кој треба да го водат спортистите  и за секојдневната здрава исхрана.

Професионален развој на наставниот кадар

Филозовскиот факултет (Институт за педагогија при УКИМ) и издавачката куќа Просветно дело организираа обука на тема :

„Примена на списанијата за деца: Росица за прво, Другарче, Развигор и Наш свет во воспитно- образовниот кадар“.

Обуката се одржа на 29. и 30. 01.2018 год., а ја реализираа следниве предавачи: проф. Д-р Лена Дамевска, проф. Д-р Јасмина Делчева- Диздаревиќ, проф. Д-р Елизабета Томовска- Илиевска и проф. Д-р Алма Тасевска.

На обуката присуствуваа поголем број одделенски наставници од нашето училиште и при тоа се здобија и со сертификати за учество.