Започна реализацијата на интерниот училишен проект „Убавините на различностите“ со идеа да се воспостават поквалитетни
кооперативни односи помеѓу учениците, со цел да се надминат предрасудите и
стереотипите за разликите помеѓу луѓето. Во нашето училиште имаме работна
средина со грижа и подршка на секоја индивидуа, почитувајќи ги индивидуалните можности и способности на
учениците, ученици од различни етнички заедници, поттикнувајќи ја одговорноста,
креативноста и соработката помеѓу сите субјекти. Затоа, главни цели на овој
проект се: поддршка на учениците со различни можности, способности и различна
етничка припадност, подигнување на свеста кај
учениците за прифаќање на различностите
и надминување на предрасудите и стереотипите.
За
потребите на проектот се формираше тим за реализација на истиот.
Учениците од VIII и IX се информираа за проектот, се формираше ,,Центар за
почитување на различностите“, се реализираше Анкета1 и Работилница 1 со
учениците.
Еден дел од проектот беше и творење за учениците од VI до IX одделение на тема ,,Убавините
на различностите - различни сме но сепак исти’’, за која се распиша литературен конкурс кој траеше од
11.11.2019 до 15.11.2019. Учениците твореа за различностите, а по конкурсот беа избрани творби кои ја сочинуваат истоиментата збирка.
Координатор на проектот -
дефектолог Адријана Кукоска
Нема коментара:
Постави коментар