УЧЕНИЧКИ ПАРЛАМЕНТ

На самиот почеток на учебната 2019/2020 година во рамките на секоја паралелка на демократски начин се избираат претседател и заменик претседател во паралката. Учениците избрани во паралелките се членови на Ученичкиот парламент. Членовите на Ученичкиот парламент на првоит состанок  беа повикани од директорот на училиштето Љубица Наумовска и на најдемоктатски начин и според јасни критериуми ги избраа Претседателот и Ученичкиот правобранител:

      I-V одд. Претседател Андреј Јаневски ученик во 5-в одд.

      VI-IX одд. Претседател Ива Тасевска ученик во 9-а одд.

За ученички правобранител членовите од Ученичкиот парламент по пат на тајно гласање го избраа Никола Десковски од VIII-б одделение.

ЦЕЛИ И ЗАДАЧИ ЗА РАБОТА НА УЧЕНИЧКИОТ ПАРЛАМЕНТ:

-да се поттикнува и развива кај учениците смисла за иницијатива, согледување, поставување и решавање на заедничките проблеми во својата средина;

-да придонесува за развивање и негување на другарски однос меѓу учениците;

-да се потикнуваат учениците да го чуваат угледот на училиштето, да го одржуваат редот и дисциплината во него, почитување на куќниот ред на училиштето;

-да се развива свест за постојана соработка со наставниот кадар во училиштето;

-да придонесува во организирањето и спроведувањето на културно-забавни и рекреативно-спортски активности;

-поттикнување, организирање и реализирање на активности од хуман карактер, екоошки активности и општествено корисна работа.

Одговорни: Весна Рафеска, Адријана Кукоска и Валентина Јанкоска

ДЕНОТ НА ТАТКОТО

Веќе неколку години учениците од одделенска настава се вкучуваат со активности по повод Денот на таткото. Оваа учебна година такви активности се реализираа со учениците од трето до петто одделение. Учениците имаа можност да творат за својот татко при што го опишуваа ликот на таткото, но и чувствата кон него. Дел од учениците изработија и ликовни творби и честитки и со истите ги украсија  паноата во училниците.

Европскиот ден на јазиците

„ако сакаш пријатели - биди пријател!“

да се биде вистински пријател значи да се има големо срце во кое ќе има љубов за сите.

Ако сакаш пријатели - биди пријател!

Традиционално и оваа учебна година во нашето училиште беше одбележан Европскиот ден на јазиците со приредба во која земаа учество учениците од прво до деветто одделение, подготвувани од страна на предметните наставници Даме Коларовски, Анета Макревска, Магдалена Бадарова, Анета Ѓуровска Арсовска, како и одделенските наставници Виолета Николин, Маја Атанасовска Спасеска, Валентина Димишковска и Елена Стојановска.

Мотото оваа година беше „Ако сакаш пријатели - биди пријател“. Преку пригодна програма учениците ја запознаа публиката за значењето на овој празник, за важноста од изучување на странски јазици, пееја и зборуваа за пријателството на македонски, англиски и француски јазик.

СРЕДБА НА СТРУЧНИТЕ СОРАБОТНИЦИ

На покана на директорот на училиштето на 19.09.2019 година во нашето училиште се одржа средба со сите стручни соработници од основните училишта на Општина Кисела Вода. Ваквата соработка ќе продолжи и во иднина со цел  подобра комуникација и размена на искуства за поквалитетен образовен процес.

ДОБРО НИ ДОЈДОВТЕ МИЛИ ПРВАЧИЊА !!!

         Денеска со почеток во 8,30 часот беше извршен свечен прием на првачињата. За таа цел учениците од вторите одделенија настапија со куса претстава - рецитали и ритмичко-танцови точки, а потоа директорката Љубица Наумовска одржа кус поздравен говор до присутните родители и нивните деца по што ги прозва новите првачиња и заедно со нивните учителки ги испрати во нивните училници на првиот училишен час.

Оваа учебна година во нашето училиште беа запишани 107 дечиња кои беа распределени во пет паралеки - две целодневна настава и три класична настава. 

„КИНА ВО МОИТЕ ОЧИ“

   Денеска, 2. јули 2019 г. со почеток во 19,00 часот во Националната и универзитетска библиотека „Св. Климент Охридски“, на покана од Амбасадата на Република Кина, град Скопје и Друштвото за македонско – кинеско пријателство и соработка, претставници од нашето училиште ( директорката Љубица Наумовска со дел од стручните служби и наставниот кадар) присуствуваа на отворањето на фото – изложбата „Кина во моите очи“.

     Пред бројните посетители со пригодни говори се обратија Амбасадорот на НР Кина, Нејзината Екселенција г-ѓа Yin Lixian, Министерот за култура г-дин Асиф Адеми, како и други видни личност.

        По нивните обраќања следеше отворање на изложбата како и коктел со кинеска храна.