Работилницата за одбележување на „Светскиот ден на свесноста за аутизам“

На 2. април  се одбележува  „Светскиот ден на свесноста за аутизмот“.

Во знак на поддршка на овие лица, нашето одделение 3-б организираше Он-лајн креативна ликовна работилница на тема „Шаренила од бои“. Секој од учениците имаше предизвик да направи „Виножито“ (Ѕуница, Божилак, Дага) во најразлични техники -пластелин, колаж, светки, цевки, пастел, дрвени бои, темперни бои, фломастери...

Со оваа работилница сакавме да ги поттикнеме родителите да разговараат со своите деца за прифаќањето на различностите и почитувањето на потребите на децата со аутистичен спектар на нарушување.

Боите се синоним за тоа дека секое дете зрачи во својата омилена боја, а сите заедно во нашиот свет рефлектираат шаренила од бои.

Секој ученик откако ја реализираше својата идеја на хартија ја презентираа он лајн и на крај  својата дланка  ја избоија во омилената боја од виножитото!!!

Со ова сметаме дека социјалното дистанцирање ќе заврши и дека од истото ќе ја научиме лекцијата, дека некој  секојдневно е отфрлен, неприфатен од наша страна и дека конечно ќе ги научиме разликите дека СЕКОЈ ЕДЕН Е ВАЖЕН во нашиот „Шарен свет“.

Огромна благодарност до родителите кои несебично ја поддржаа нашата иницијатива и заедно дома со своите деца ги обоија рачињата во знак на поддршка и прифаќање на дечињата со аутизам.

                                      Одговорени наставници: Елена Стојановска и Софија Лукровска