Извештај за изведена посета

На 12.6.2023 год. учениците од III a,б,в,г,д одделение заедно со своите одделенски наставници беа на еднодневна екскурзија во Тетово, Маврово, СВ Јован Бигорски. Учениците ја посетија Шарената џамија во Тетово и манастирот СВ Јован Бигорски.

Одговорни наставници: Горица Станковска, Татјана Трпеска, Виолета Николин, Елизабета Младеновска,Сузана Трајкоска, Ивана Илијевска Огњановска

Одбележување на 24 Мај - Ден на словенските просветители Св.Кирил и Методиј

Учениците од  VI дo IX одделение  изготвија проектни активности посветени  за животот и дејноста  на словенските просветители кои беа презентирани во самите паралелки. Се водеа дискусии за големината и важноста на просветителската дејност, создавањето на првата сливенска азбука глаголица, преведувањето на првите книги на црковнословенски јазик, успешните мисии, нивните ученици кои ја продолжуваат нивната дејност гордо и доследно и сл. Исто така беше прочитан и реферат за нивната дејност и начинот на чествувањето на овој голем свечен ден на училишната рзгласна станица. 

Одговорни наставниците по македонски јазик: Мишевска Љуба, Каролина Коларовска, Елена Ристевска

Заслугите на словенските просветители по повод празникот 24 Мај

Мисиите на Св. Кирил и Методиј

           Како тогаш не се срамите да признаете само три јазика, а за сите други народи и племиња сакате да бидат слепи и глуви? Дали Господ го сметате толку бесилен тоа да не може да го даде, или завидлив, па тоа да не го сака? Со овие зборови Константин филозоф, подоцна прославен со калуѓерското име Кирил, во 9 век го бранел словенскиот јазик пред т.н. тријазичници кои тврделе дека само латинскиот, грчкиот и еврејскиот се свети јазици со кои може да се богослужи. Го обвинувале за ерес зашто го вовел словенскиот јазик меѓу привилегираните, кои тој статус го заслужиле зашто биле испишани на крстот на Исус. 

Константин бил роден во 826/827 година во угледно византиско семејство од Солун. Бил седмо и најмало дете на Лав и Марија кои му овозможиле врвно образование - се школувал на највисоката школа во Цариград, во царската палата Магнаур која имала ранг на универзитет. Станал библиотекар во Цариградската патријаршија во највеличествената црква во светот во тоа време - Св. Софија, а подоцна предавал филозофија на Магнаурската школа, каде што ја добил титулата Филозоф. 

Како голем ерудит, со талент за јазици и дипломатска вештина, од византискиот двор и Цариградската партијаршија бил испратен во три историски мисии. Во првата, Арапската кај Сарацените (во денешен Ирак), имал само 24 години. Во втората - кај Хазарите (денешна Русија) и во третата - кај Словените во Панонија и Моравија (денешна Чешка) учествувал заедно со својот најстар брат Методиј. Првите две мисии имале државно-верски карактер, а третата мисија била просветителска. Таму биле испратени од византискиот император Михаил Трети на барање на моравскиот кнез Ростислав. Со неа солунските браќа ги поставиле темелите на словенската култура и просвета. Користејќи го говорот на македонските Словени од околината на неговиот роден Солун, кој го знаел од детството, Константин ја составил првата словенска азбука - глаголица со 38 букви. Со префинет осет за секој глас да создаде знак, употребил букви од грчкиот алфавит, знаци од други јазици, а и самиот измислил нови. Говорот на македонските Словени го издигнал на ниво на прв книжевен јазик. Со Методиј и нивните вредни ученици со новото писмо превеле црковни книги од грчки на старословенски јазик и во 863 година подготвени тргнале во нов поход, на мисија во Моравија, каде што останале 40 месеци. 

Нивната макотрпна работа резултирала со преполни цркви и луѓе кои првпат слушнале богослужба на разбирлив јазик за нив. Силниот отпор на латинско-германското свештенство, разгневено поради масовниот одлив на верниците, ги одвело солунските браќа до папскиот двор. Но, таму биле примени со највисоки црковни почести - затоа што биле мисионери на моќната Византија, но и зашто со себе носеле нешто вредно. За време на Хазарската мисија, Константин во Херсон имал археолошки подвиг. Седум и пол века по маченичката смрт на Крим, ги открил моштите на Климент Први, четвртиот папа и соработник на апостол Петар, кој поради ширењето на христијанството бил прогонет од царот Трајан и удавен во 101 година. Пронајдените мошти Константин му ги предал на папата Адријан Втори во Рим. Тој ги пречекал творците на словенската писменост со церемонија која траела три дена, како што посочил биографот на Кирил во неговото житие во „Панонските легенди“. 

По Цариград, и Рим официјално го признал словенскиот јазик за рамноправен со другите. Папата бил убеден во оправданоста на Моравската мисија и во разумното тврдење дека секој народ треба на својот јазик да разговара со Бога, па лично ги зел во заштита словенските книги и ги осветил. Во Светата столица била отслужена богослужба на словенски јазик. Напредните ученици добиле свештенички чинови, а и Константин во Рим стапил во калуѓерски ред и го добил монашкото име Кирил. Таму и починал на 14 февруари 869 година, завршувајќи го животот изнемоштен и болен на 42 години. Закопан е во базиликата Св. Климент (Сан Клементе), посветена на светецот со чии мошти дошол во вечниот град. Битката за писменоста на Словените не престанала. Неа уште 16 години ја водел братот Методиј, до својата смрт во 885 година. Моравската мисија завршила со прогонство на нивните ученици. Некои од нив исчезнале, некои биле продадени како робови, но тројца истакнати - Климент, Наум и Ангелариј, го продолжиле просветителското дело на југ. 

За животот и делото на Кирил и Методиј има огромна библиографија, напишани се над 10.000 студии, прилози и статии. Има голем број фрески и икони инспирирани од нив, а многу цркви и образовни институции го носат нивното име.Тие се патрони на Скопскиот универзитет. Во 11 век Црквата го прогласила 24 мај (11 мај по стар стил) за ден на светите просветители Кирил и Методиј. Денот во Македонија првпат бил одбележан на 11 мај 1860 година во црквата Св. Богородица во Скопје. 

Чествувањето со различни манифестации продолжува до денеска, а меѓу нив централно место има Поклонението на гробот на св. Кирил во базиликата Св. Климент во Рим. 

Првпат е организирано во 1969 година, за 1100 години од смртта на свети Кирил, и оттогаш секоја година на 24 мај се одбележува со највисоки почести од црковно-државна делегација. Традиционално, 24 Мај беше ден само на образовните институции и просветните работници, а од 2007 година тој е и државен празник на Република Македонија. 

            

Извештај од реализираната работилница по повод Одбележувањето на 23 мај-Светскиот ден на желките

На 23 мај, многу земји ширум светот го слават Светскиот ден на желката - животно што ја симболизира мудроста, богатството и долговечноста.

 Овој необичен празник е роден во 2000 година на иницијатива на Американското здружение за спасување желки.

 Целта на празникот е да се привлече вниманието на јавноста за проблемот со смртта на голем број желки поради близината на луѓето. 

Треба да ги заштитиме нејзините живеалишта плажите и шумите каде желките наидуваат  за да ги снесат јајцата, да се бориме против безмилосниот шверц на животни на глобалниот пазар на животни (како милениче и храна), да не купуваме производи од школки, да не се обидуваме да вкусиме супа од желки. 

За таа цел и ние со нашата паралелка  I-д одделение земавме активно учество во одбележувањето на овој ден: изучивме интересни факти за желките, ја читавме и гледавме басната „Зајакот и Желката“, слушавме песнички, гледавме  видеа со желки како и изработувавме во групи желки од различни материјали . Да ја заштитиме оваа неверојатна убавица која се соочува со огромни закани!

 Затоа ЗАПОМНЕТЕ ако најдете желка на земајте ја дома со вас!!!   

                                       

Одговорен наставник: Елена Стојановска

Млади технолози-Вива гости

На 22.05.2023г. понеделник учениците од I /в одделение и одделенскиот наставник Кети Сталеска во соработка со родителката Кристина Тренкоска ја посетија фабриката за производство на сокови Вива. 

Директорката на фабриката заедно со нејзиниот тим ни направија убаво добредојде. Не прошетаа низ фабриката покажувајќи го процесот на создавање, пакување и дистрибуција на сокови. 

Имавме можност и да го вкусиме сирупот од кои се прават соковите и да ја видиме нивната лабараторија за контрола на квалитетот.

На крајот од посетата не изненадија со доделување на дипломи за стекнато знаење за млади технолози и Вива пакетчиња со различни изненадувања за секој ученик. 

Учениците покажаа големо возбудување и среќа за укажаната можност да се запознаат со производство на омилените сокчиња. Најмногу се радуваа на добиените подароци.

Одделенски наставник: Кети Сталеска 

Извештај Државно првенство во голем фудбал 2023 - машки

На ден 19.05.2023 во Дојран се одржа државно првенство во голем фудбал, Мали Олимписки игри 2023. Нашето училиште го освои второто место.
1. ООУ,,Наим Фрашери" Куманово
2. ООУ,,Рајко Жинзифов" Скопје
3. ООУ,,Истикбал" Тетово
4. ООУ,,Кочо Рацин" Нов Дојран
Одговорен наставник : Јовица Ефтовски

ИЗВЕШТАЈ ЗА ПРИРЕДБА

    На 04.05.2023 год. во посета на нашето подрачно училиште беа идните правачиња од градинката ,,Ѓурѓица,,. Топло добредојде со убава приредба им посакаа нивните другарчиња од I до V одд.

Среќни, весели и насмеани ги очекуваме од септември.

 Одговорен наставник: Кристина Никчевска

ИЗВЕШТАЈ ОД ЛИКОВЕН И ЛИТЕРАТУРЕН КОНКУРС

Го одбележуваме патрониот празник на нашето училиште.

Традицијата на секој народ е огледало на богатството со што може да се гордее една земја. Старата и богата македонска традиција на најубав начин се споила со нашето модерно современо живеење, па така чинат една шарена културна целина и кај возрасните, но и кај нашите најмлади, најкреативни уметници. На овој начин учениците од подрачното училиште од III, IV и V одд. ни ги подарија своите литературни и ликовни творби во чест на нашиот Патрон Рајко Жинзифов. Ги споделуваме и Ви го

честитаме патрониот празник. 

Одговорни наставници: Кристина Никчевска и Сузана Трајковска.

ИЗВЕШТАЈ ОД РЕАЛИЗИРАНАТА ПОСЕТА НА БОТАНИЧКА ГРАДИНА

Учениците од   I-г  и  I-д  одделение од ПУ на ден 05.05.2023 година реализираа посета на Ботаничката градина при Природно-математички факултет-Скопје.

Работилницата траеше околу два часа и во текот на истата нашите ученици имаа можност да истражуваат во прекрасната градина и да се запознаат со  голем број на различни, интересни и  ендемични видови на растенија,нивната градба и поделба.

Заеднички навлегоа во микроскопскиот невидлив свет на растенијата и научија како да се стане успешен ботаничар со засадување на семе за кое ќе продолжат да се грижат во иднина.

Упатуваме голема благодарност до вработените во Ботаничката градина што ни овозможија толку прекрасно задоволство за стекнување со нови знаења на нашите ученици! 

Одговорни наставници-Елена Стојановска Валентина Димишковска

Извештај за реализирана посета на идните првачиња од градинката ЈДГ 8 ми Март

На ден 27 април учениците од петтите одделенија заедно со нивните наставнички ги посетија идните првачиња од градинката 8 Март и со соодветни приредбени активности го претставија нашето училиште како и активностите во него. На дечињата им беше поделена и изготвена брошура со логото на нашето училиште која содржеше боенки и активности соодветни за нивната возраст.

Одговорни наставници:Моника Цаневска, Билјана Шоклевска,Цветанка Ѓорѓиевска

Патронен празник на училиштето

Тркало на времето Минатото е извор на искуства, сегашноста за миг станува , минато! Кој ја определува иднината? Таму далеку некаде , се спојуваат минатото и иднината, за повторно да почне да се врти ТРКАЛОТО НА ВРЕМЕТО! Драги наши, на ден 7 Април, во нашето училиште се реализираше настан Ден на нашето училиште, Патронатот на училиштето Рајко Жинзифов. Со многу љубов, ден по ден, секојдневно ги нижевме настаните еден до друг, ја живеевме оваа сегашност, гордо спомнувајќи и навраќајќи се на минатото, оставајќи во истовреме уште една трага за иднината и идните генерации! Сплотени сите, со радост, песна, оро, разиграни, распеани, во ритамот на нашата традиција, ценејќи ги вредностите на истата, на сцената блеснаа нашите ученици предводени од своите наставници.Се случи денес, а ќе се помни и утре, испреплетени емоции, топли прегратки кои ќе траат долго...Тркалото на времето, ја расплете приказната за нашите предци, тркалото на времето ги донесе на сцената младите момчиња и девојчиња, кои со гордост го презентираа нашето училиште денес, овде и тука!!! Трката на времето продолжува, нашата мисија продолжува исто така! Бидете во добро здравје, до видување догодина!!! 

Одговорен наставник Татјана Трпеска заедно со тимот за Патронат на училиштето

СВЕТСКИ ДЕН НА МАТЕМАТИКАТА

Меѓународниот ден на математиката се слави секој 14 март, бидејќи со необврзувачка одлука на Конгресот на САД овој датум се прогласува за Национален ден на бројот π . Покрај тоа што е Светски ден на бројот π, кој е еден од најупотребуваните броеви во математика, физика и инжинерството, овој ден се слави и како Светски  ден на Питата, како и роденден на светскиот научник Алберт Ајштјн.

Математичката секција во која учествуваат ученици од 7а и 9в и 9б одделение го прославија овој ден со пригодна програма, пред учениците од 4б одд со својата наставничка Билјана Христовска. Учениците од 9-то одд изработија проекти, а учениците од 7а составија песни поврзани со математиката. 

Ах тие дропки,

навистина биле сопки

Дели и множи 

множи па дели,

вака изгледа 

лесно нели??

За мене таа е

наука лесна ,

јас ја учам 

како песна

Одговорни наставнички:

Марина Станоеска 

Елена Ристевска

ИЗВЕШТАЈ ОД СПРОВЕДЕНА МИО АКТИВНОСТ

По повод  празниците  Велигден и Бајрам учениците од V-а и V-г одд.со нивните наставнички учествуваа во  Чоколадна работилница.

На 19.04.2023 год. се спроведе работилница за меѓуетничка интеграција на тема: ,,Меѓукултурно богатство,,. Учениците најпрво следеа презентација за историја на чоколадото, процес на правење, видови на чоколадо и интересни факти за чоколадото. Потоа изработуваа хамер, во групи цртаа, топеа чоколадо, украсуваа чоколадни јајца и мафини и се сладеа со вкусна чоколадна баклава. На часот владееше убава атмосфера. Учениците се дружеа, забавуваа, сладеа со чоколада и меѓусебно си ги честитаа празниците.

Одговорни наставници: Моника Цаневска и Кристина Никчевска   

Извештај од реализирани спортски активности по повод патрониот празник на училиштето

На ден 6.4.2023г. на ниво на одделенска настава се реализираа спортски активности преку елементарни игри на полигон. Во активностите учествуваа сите присутни ученици, при што со задоволство ги реализираа дадените барања, развиваа спортски дух, координација, снаодливост и  моторика. Исто така го негуваа другарството, тимската работа, ги почитуваа правилата на игра и развиваа позитивни чувства. 

Одговорни наставници: Никола Соколовски, Виолета Николин и Мануела Маркоска.

СО СТИХОВИ ГО ОДБЕЛЕЖУВАМЕ НАШИОТ ПАТРОН

На 4.04.2023 год. во 10 часот, во просториите на нашата училишна библиотека се одржа литературно читање во чест на нашиот патронен празник. Темата на која учениците со задоволство ги искажаа своите творечки способности  „Тркало на времето“ ги потврди нашите очекувања. Учествуваа ученици од трето до деветто одделение со прекрасни стихови произлезени од  детската искрена душа.Сите творби од учениците ќе бидат отпечатени во збирка и објавени во училишниот весник. Слушнавме навистина убави творби но се разбира дека секогаш има и најдобри. Наградени ученици со најдобри литературни творби се:

Прва награда: Стела Шоклевска 4а, Ангела Костоска 9а, Никола Арсовски 7б

Втора награда: Ирена Рујаноска 5в, Миа Јаневска 9б, Михаил Ѓурчиноски 7а

Трета награда: Јасна Јаневска 5б, Ана Димовска 8а, Леонид Темелковски 7а

Одговорни наставници: 

предметни наставници по македонски јазик Љуба Мишевска, Елена Ристевска 

одделенски наставник Биљана Шоклевска.