Денот на прегратка

Учениците од ll б и ll в одд. го одбележаа денот на прегратката со низа активности:почнувајќи со драматизација на ,,Снежето еже",читање пораки,изработка на нагледно средство.

 Библиотекар: Александра Милчева

НУЛА ДИСКРИМИНАЦИЈА

Одбележување на светскиот ден на нула дискриминација во подрачното училиште во Пинтија .

Учениците учествуваа во едукативна активност посветена на подигање на свеста за

борба против дискриминација.

Активноста им овозможи подлабоко разбирање и донесување на заклучок дека МИРОВНОТО ОБРАЗОВАНИЕ е клучна алка за борба против дискриминација ,кое придонесува :

*подобра иднина за сите

*достоинствен живот

*еднаков однос кон сите

*создавање на праведен и инклузивен свет

*секој има право на почит и мир ...

Нашиот глас може да направи разлика.

 Библиотекар :Александра Милчева

ПРОЕКТ „УНАПРЕДУВАЊЕ НА МЕНТАЛНОТО ЗДРАВЈЕ“

Во текот на второто полугодие во учебната 2024/2025 година стручните соработници училишниот психолог Бранка Бранковиќ, педагог Весна Рафеска и дефектолог Адријана Кукоска реализираа  работилници на теми поврзани со ментално здравје на младите.

Во јануари и февруари од страна на училишниот педагог, психолог и дефектолог реализирани се 14 работолници: „Моето тело – моите чувства“, „Лоши и добри навики“, „Моите негативни чувства“,  „Надминување на мојот страв“, „Пушењето е смртоносно – Зошто тогаш е привлечно?“, „Скршено срце“ , „Сличности и разлики со оето другарче“, „Разлики меѓу нас“ „безбедно користење на интернет“ и „Инклузивен и неинклузивен јазик“ со учениците од II, V, VI, VII и IX одделение. Во овие работилници земаа учество вкупно 307 ученици. Овие  работилници имаат за цел  училиштето да го направат место во кое учениците ќе сакаат да престојуваат, во кое ќе бидат вклучени и нивното мислење и нивните чувства ќе бидат земени предвид. Исто така, во овој периот, стручните соработници училишниот педагог, дефектолог и психолог одржаа презентации на актив на одделенска и предметна настава на теми: „Изгради ги обрите навики“, „Стилови на родителство и стилови на наставници“ и „Инклузивно образование во основните училишта во Општина Кисела Вода“ . 

Во месец март  училишниот педагог, психолог и дефектолог, како и предметни наставници реализираа работилници тема: „Кругови на моите блиски“, и „Другарство“. Во овие работилници земаа учество вкупно 121 ученика од  II, VI, VII, VIII и IX одделение. Целта на овие работилници е учениците да ги препознаат своите емоции и развивање на емпатија кај учениците.. 

Во месец април реализирани се вкупно 10 работилници. Темите кои се обработени во склоп на работилниците имаат за цел развивање на толеранција, асертивна комуникација, самодоверба, самопочитување и помош при избор на средно училиште, развивање на слаби страни и идентивикација на јаки страни кај учениците.  Вкупно 151 ученици од VI, VII и IX учествуваа на следните работилници „Кругови на моите блиски“, „Професионална ориентација“ и „Убаво однесување“ . Класните раководители Магдалена Бадарова, Марина Станоеска, Билјана Наунова, Горан Петковиќ, Ленче Танушевска, Татијана Георгиевски, Љуба Мишевска и Елена Ристеска работилницата „Круговите на моите блиски“ ја реализираа во рамките на своите паралелки.

Во мај и јуни од страна на стручните соработници училишниот психолог, педагог и дефектолог реализирани се 8 работилници на различни теми поврзани со ментално здравје: „Сакам да се дружам со...“, „Пишување покана“, „Одговорна употреба на мобилните телефони и социјалните медиуми“, „Моите негативни чувства“ и „Професионална ориентација. Во oвие работилници земаа учество вкупно 150 ученици од I, II, V и VIII и  одд. 

Во рамки на проектот „Ментално здравје на учениците“ направено е акциско истражување од страна на училишниот психолог Бранка Бранковиќ. Во тестирањето на учениците земаа учество и класните раководители од VII до IX одделение.

педагог Весна Рафеска

психолог Бранка Бранковиќ 

дефектолог м-р Адријана Кукоска

ПРОЕКТ „УЧИЛИШТЕ БЕЗ НАСИЛСТВО“

Во текот на второто полугодие во учебната 2024/2025 година стручните соработници училишниот педагог Весна Рафеска и психолог Бранка Бранковиќ реализираа работилници на теми поврзани со врсничко насилство. Во јануари и февруари реализирани се работилници на тема: „Лутина и агресивност“, „Наилство – поим и видови“, „Стереотипи и предрасуди“, „Насилно однесување“ и „Насилство – Стоп!“. Во овие работилници учествуваа вкупно 87 ученици од II,V,VIII и IX одделение. 

Во месец март реализирани се работилници на тема: „Разрешување на конфликти“, „Лутина и агресивност“ и „Насилство – поим и Видови“ со учениците од II, IV, VI, VII и VIII. Во овие работилници учествуваа вкупно 114 ученика.

Работилници на теми поврзани со насилство „Другарство – социограм“ и „Разрешување на конфликти“ одржани се во април со учениците од II и VI, учество земаа 28 ученици, додека во мај и јуни реализирани се работилници на теми: „Моите негативни чувства“, „Сајбер насилство“ , „Ученик насилник“и „А што сега? Стилови на решавање конфликти“ со 70 ученици од V, VII и VIII одделение.

Во рамки на проектот „Училиште без насилство“ направено е акциско истражување од страна на училишниот психолог Бранка Бранковиќ. Во тестирањето на учениците земаа учество и класните раководители од VI до IX одделение.

Проблемот со врсничкото насилство, познато како булинг, е широко распространет меѓу младите. Поради тоа, неопходно е да се почне со подигнување на јавната свест за тежината на овој проблем и последиците што врсничкото насилството ги остава врз кревката детска психа. 

Целта на овие работилници е да се препознаат карактеристики на насилство, насилникот и жртвата, да се унапредат односите и комуникацијата помеѓу учениците, да се зајакнаат знаењето и вештините на учениците за конструктивно решавање на конфликти, како и да се развие способност да се идентификува изворот на конфликтот.

психолог Бранка Бранковиќ 

педагог Весна Рафеска

Извештај од одржана интерактивна театарска претстава,, Music Talent Show,,

 На 28.5. во нашето училиште  беше одржана театарската претстава Music Talent Show. Во светот на најголемите херои, организирано е грандиозно натпреварување: Music Talent Show. Водител на шоуто е шармантниот и секогаш насмеан Супер Марио, а натпреварувачите се вистински легенди: Спајдермен, Супермен, Бетмен . Но за да не биде сѐ така совршено, Бетмен, одлучен по секоја цена да победи, прави нечесен потег и успева да ги поткупи Супер Марио и претседателот на жири комисијата - кловнот Боби. Освен тоа, тој им поставува замки на останатите натпреварувачи! Но, нешто неверојатно ќе се случи! Децата од публиката беа повикани да помогнат на хероите.. Благодарение на детската помош и искрената поддршка, натпреварувањето стана вистински спектакл. Со помош на детската енергија, финалето заврши со голема музичка и танцова магија, каде целата публика навиваше и го избира својот победник. На крајот, најдобриот победува, носејќи радост и многу поуки на сите. Претставата беше идеална за сите генерации: забавна, интерактивна и поучна. Децата учат за фер-игра, меѓусебна поддршка и храброст. 

Одговорни наставници: Вилма Влаховиќ и Билјана Петровска

Сакам, не сакам- драматизација IIIводделение

Секое дете сака во училиште да оди, да учи секој ден по едно ново нешто, да другарува, да спортува, да танцува, да пее и да се смее. Но, понекогаш се јавува мала несигурност бидејќи дропките прават сопки, бројките се чудни сплетки. Учи, учи, глава бучи. Како ли да се надмине тој ученички јаз, да се создаде ученик/човек вреден и со стас.

Хм! На оваа тема учениците од IIIв многу размислуваа. Тие заедно со нивната наставничка Кети Сталеска мотивирани од нивните секојдневни искуства напишаа драмска претстава и неуморно во месецот мај ја подготвуваа. На крајот од учебната година со задоволство на другарчињата од останатите одделенија им ја претставија.

За подобар ученички шмек се танцуваше на песничката ,,Часовник" од Златно славејче.

Одделенски наставник: Кети Сталеска

Убавините на Македонија- трето одделение

Учениците од III а, III б и III в на часовите по Општество ја проучуваа и истражуваа Македонија, нашата Татковина и сите нејзини природни убавини, туристичките места, историските наоѓалишта, градовите. 

Учениците со задоволство и љубопитност се запознаваа со татковината слушајќи ги своите наставнички, гледајќи видеа од интернет, следејќи наставните насоки на картата на Македонија и запишувајќи ги во неми карти истражените места. На крајот од темата сите оделенија вредно и на свој начин направија презентација на наученото. Учениците од III a наученото го преставија на хамер, учениците од III б проектни задачи, а учениците од III в имаа улога на туристучки водичи и направија брошури, за да привлечат што повеќе туристи и да ги запознаат другарчињата со специфичностите, културата и убавините на нашата татковина. 

Одговорни наставници: 

IIIа - Билјана Стефковска, IIIб - Софија Лукровска, IIIв - Кети Сталеска

Е Твининг проект ,, Godisnja doba kroz objektiv/Seasons throught the lens,,

Е Твининг проект ,, Godisnja doba kroz objektiv/Seasons throught the lens,,

                                                                              

Земји учесници на проектот: Македонија, Турција, Италија, Србија, Грција , Романија.

Наставникот ги запознава учениците со основите на фотографијата и набљудувањето на природните промени низ годишните времиња, објаснувајќи ги целите на проектот и како да се документираат овие промени користејќи фотографија.  Развивање на свеста за природните промени преку набљудување и документирање на природата во различни сезони. Преку фотографија и употреба на дигитални алатки, студентите ќе ги снимаат промените во животната средина, ќе развијат креативност и свест за животната средина и ќе учат за временските услови и екосистемите.

Проектот во нашето училиште беше реализиран од страна на одделенскиот наставник Маја Атанасовска-Спасеска и Ирена Ѓоршевска

Цели на проектот: 

- Учениците да ги сфатат основните вредности во природата околу нас 

- Овозможување на учениците да создадат чувствителност на основните вредности и да ги трансформираат во однесување, 

- Учење да се справувате со климатските промени

- Креирање идеи како да помогнеме во заштита на природата, 

- Развивање на решавање проблеми, учење преку правење, вештини за критичко размислување со користење на веб 2.0 алатки преку интердисциплинарни студии.

Очекувани резултати : 

- Давање позитивен придонес во општествените односи со соработка на училиште, ученик и родител, 

- Учениците ги трансформираат своите искуства во трајно однесување, 

- Да им помогне да се подготват за иднината преку развивање на нивните вештини од 21 век,

- Со проектните партнери се изработија заеднички е-книги, постери, слики, креативни изработки од учениците

Зошто да зборувам француски?

Зборувате ли француски/ Parlez-vous français ?

На 22.05.2025 и 02.06.2025 одржавме час со учениците од 5-а, б и в со цел запознавање со францускиот јазик и култура при учениците од 8-а направија прекрасни презентации. Благодарност до Калина, Константин, Ива, Мила и Ева за вложениот труд. 

Извештај за еднодневен пролетен излет од прво до трето оддделение

Според годишната програма на ден 03.06.2025 се одржа еднодневен пролетен излет од забавно рекреативен карактер за учениците од 1во до 3то одделение во црквата "Св. Илија" - Чардак. Цел беше запознавање на убавините на природата во непосредна околина, развивање интерес за спортски активности и фер-плеј однесување, другарство, комуникација, споделување.

Одговорни наставници : Никола Соколовски Кирил Атанасовски

ИЗВЕШТАЈ од литературниот и ликовен конкурс „Читањето е супермоќ“

Традиционално секоја година на иницијатива на издавачката куќа Арс Ламина се
распишува отворен конкурс „Читањето е супермоќ“ кој оваа година траеше од 2
април до 2 јуни 2025 год. На конкурсот право на учество имаа сите ученици од
прво до деветто одделение ,како и деца од предучилишна возраст. За најдобрите
творби одлучува стручно жири. Учениците од 3д одд. од нашето училиште
учествуваа на овој конкурс , а ученици кои се здобија со пофалници за
литературните творби како и со по еден подарок книга се : Дамјан Коцевски и Хана
Илиеска.
Ова беше прекрасно искуство кое ги поттикна да ги засакаат уште повеќе
читањето и книгата.

Одговорен наставник Елена Стојановска

Етвининг проект „SEL in My English Class“

Земји учеснички во преоектот: Македонија, Турција, Италија, Грција, Литванија, Полска и Чешка. 

eTwinning проектот SEL in My English Class (Социо-емоционално учење на часот по англиски јазик) има за цел да ги поддржи нашите учениците во развојот на социо-емоционалното учење (SEL) и јазичните вештини преку интерактивни активности. Проектот исто така има за цел учениците да ги подобрат своите дигитални вештини користејќи Web2.0 алатки. Овој проект има за цел холистички да ги развие јазичните способности на учениците, негувајќи ги нивните социјални, емоционални и дигитални вештини, подготвувајќи ги да бидат ефективни комуникатори и емпатични поединци во глобален контекст.

Во проектот се вклучени ученици од V-б и VI- а, б, в одделение. 

Период за реализација на проектот е од октомври 2024 до мај 2025 година. 

Предвидени активности кои ќе се реализираат се изработка на лого и постер за проектот, online средби со наставниците и учениците од земјите учеснички, креирање на игри, користење на  Web2.0  и AI (вештачка интелигенција),  алатки за креирање на игри, одбележување на значајни датуми поврзани со интернет, учество во заеднички работилници со учениците од земјите учеснички, 

Проектот во нашето училиште се реализира од страна на предметниот наставник по англиски јазик Магдалена Бадарова.

Цели на проектот: 

1. Развој на јазикот

 Збогатување на вокабуларот и вештините за разговор на учениците поврзани со секојдневни теми.

 Подобрување на способноста на учениците да конструираат и да искажуваат едноставни реченици на англиски јазик. 

 Негување доверба во зборувањето и презентирањето на англиски јазик преку интерактивни активности.

2. Социо-емоционално учење (SEL)

 Градење на  самосвеста и самодовербата кај учениците со тоа што ќе бидат вклучени во активности кои промовираат самоизразување.

 Негување емпатија, емоционално разбирање и ценење на другите преку активности фокусирани на семејството, саканите и емоциите.

 Развивање на чувство на припадност и тимска работа со заедничка работа преку креативни проекти и игри. 

3. Културна и социјална свест

 Запознавање на учениците со различни семејни структури и улоги во заедницата, промовирајќи разбирање и почитување на разликите. 

 Учениците да истражуваат и да се гордеат со нивната локална заедница и домови преку активности за цртање и правење мапи.

4. Креативност и дигитална писменост

 Поттикнување на креативноста со интегрирање на дигитални алатки (на пр. ChatterPix, Voila, Storyjumper) за подобрување на учењето и самоизразувањето.

 Развивање на дигиталната писменост на учениците со користење на алатки како Wordwall, Padlet и веб-страници за анимација на креативни и интерактивни начини. 

5. Соработка и комуникација

 Зајакнување на меѓусебните интеракции и комуникациските вештини преку активности во парови и групи.

 Промовирање на тимска работа во колаборативни проекти како што се цртање куќа од соништата со проектните партнери и креирање дигитални приказни. 

6. Вештини за доживотно учење

 Негување на љубопитност и внатрешна мотивација за учење преку вклучување на учениците во различни, пријатни и значајни активности.

 Да ги научиме учениците да ги изразуваат своите мисли, преференции и емоции, поттикнувајќи самонасочено учење и саморефлексија.

Етвининг проект ,,„Protecting Nature is in OUR Hands with STEAM“

„Protecting Nature is in OUR Hands with STEAM“

Земји учеснички во преоектот: Македонија, Турција, Италија, Украина, Азербеџан, Португалија, Романија и Грузија. 

eTwinning проектот Protecting Nature is in OUR Hands with STEAM (Заштитата на природата е во наши раце со STEAM) има за цел да се подигне еколошката свест, да се поттикне креативноста и да се обезбеди на учениците вештини за решавање проблеми во образованието STEAM (наука, технологија, инженерство, уметност и математика). Проектот исто така има за цел учениците да ги подобрат своите дигитални вештини користејќи Web2.0 алатки. Пристапот STEAM е ефикасна алатка за зголемување на свеста на учениците за зачувување на природата, а исто таа развива креативност, решавање проблеми и вештини за соработка. Разбирањето на културните разлики и нивното вклучување во проекти им помага на учениците да развијат глобална перспектива.

Во проектот се вклучени ученици од II-а продолжен престој и VI- а, б, в одделение. 

Период за реализација на проектот е од октомври 2024 до мај 2025 година. 

Предвидени активности кои ќе се реализираат се изработка на лого и постер за проектот, online средби со наставниците и учениците од земјите учеснички, креирање на игри, користење на  Web2.0  и AI (вештачка интелигенција),  алатки за креирање на игри, одбележување на значајни датуми поврзани со интернет, учество во заеднички работилници со учениците од земјите учеснички.

Проектот во нашето училиште се реализира од страна на предметниот наставник по англиски јазик Магдалена Бадарова и одделенскиот наставник Маја Атанасовска Спасеска

Цели на проектот: 

1. Креативност и иновација

  Бајки и приказни: учениците да ја развијат својата креативност со пишување фантастични приказни за заштита на животната средина или приказни кои се обработуваат актуелни прашања. Со ова се зголемува емпатијата и свесноста.

2. Вештини за решавање проблеми

  Проблеми од реалниот живот: учениците да вршат анализи на еколошките проблеми и развиваат практични решенија за овие проблеми.

3. Соработка

  Тимски проекти: учениците работат во мултикултурни групи со цел изнаоѓање на заеднички решенија, да учат и споделуваат пристапи за животната средина од различни култури и да ја зајакнат соработката.

4. Кодирање и вештачка интелигенција

  Употреба на технологија: учениците ќе стекнат вештини за заштита на природата со користење на вештачка интелигенција и јазици за кодирање за анализа на податоци и симулации.

5. Мултикултурализам

  Глобална свест: учениците да развијат различни перспективи за проблемите со животната средина.

6. Научно истражување

  Собирање и анализа на податоци: учениците да учат научни методи со спроведување на теренски студии за проекти за заштита и собирање и анализа на податоци.

7. Уметност и дизајн

  Визуелна комуникација: учениците да стекнат уметнички вештини за да ја зголемат нивната свест за еколошките проблеми.

8. Критичко размислување

  Донесување свесни избори:

Учениците да донесуваат посвесни одлуки за природните ресурси и одржливоста. 

,,Саем на наука”- Љубен Лапе

На ден 28.05.2025 нашето училиште учествуваше на ,, Саемот на наука" чиј домаќин беше ООУ Љубен Лапе- Аеродром , на кој со свои проекти и експерименти се преставија голем број училишта од повеќе општини. Овој саем е дел од проектот ,,Науката и јас" чиј организатор е ,,Македонија2025"со подршка од компанијата,, Џонсон Мети".Нашите ученици(учениците од 6б и 7а) идни научници, демонстрираа дека зад секој експеримент стои креативност,вложен труд, подготвеност, тимска работа и огромна желба за учење и истражување. Денеска можевме да се увериме дека има ученици кои поседуваат различни научни таленти. Тие се идните инжинери, професори,научници,иноватори и лидери. А ООУ ,,Рајко Жинзифов со гордост го понесе епитетот за најпосетен штанд на саемот.

Одговорен наставник по Биологија и Природни науки

Билјана Наунова

Посета во Природнонаучен Музеј - Скопје

Учениците од 8а,б,в,г заедно со наставниците Билјана Наунова, Маја Младенова и Даниел Манасиев на ден 27.05.2025 вторник беа во посета на Природнонаучен музеј на Македонија. Посетата придонесе да се продлабочат знаењата преку директно запознавање со природните експонати и поврзување на теоријата ,она што го учат, со практичната реалност и способноста за набљудување. Учениците имаа можност да ја видат разновидноста на животинскиот свет (влечуги,птици,цицачи и инсекти) од различни екосистеми,фосилни остатоци, еволутивен развој. Се запознаа и со загрозените видови и начини на нивна заштита, при што поставуваа прашања и учествуваа во дискусии водени од водичот.Посетата на Природнонаучниот музеј беше успешно реализирана и имаше позитивно влијание врз мотивацијата и знаењето на учениците.

ОДБЕЛЕЖУВАЊЕ НА 24 МАЈ, СВ. КИРИЛ И МЕТОДИЈ

              На 23.05 2025 година учениците од 6а,б,в и 9а одделение ја истакнаа својата креативност  преку ученичка работилница посветена на словенските просветители Св. Кирил и Методиј под менторство на предметните наставници Љуба Мишевска и Елена Ристевска. 

              Најнапред учениците ја ислушнаа химната за словенските просветители а потоа го испишаа нивното име на првата словенска азбука (Глаголица). Учениците од 9 одделение подготвија презентазија за животот и делата на  браќата како и нивните значајни мисии во однос на ширење на словенската писменост. Учениците посебно ги истакнаа Моравската и Панонската мисија, значајни за христијанскиот словенски народ. Дел од учениците ја истакнаа својата творечка креативност, а дел изработуваа хамер и цртежи со нивниот лик. На крајот учениците ги прочитаа своите творби и го презентираа изработениот хамер.

                                Нека ни е честит празникот и вечно да се слави нивното име!

Извештај од реализираната еднодневна екскурзија за трето одд.

Врз основа на годишната програма за работа на училиштето ООУ Рајко Жинзифов- Скопје за учебната 2024/25 год. учениците од 3 а,б,в,г,д одделение беа на еднодневна наставно- научна екскурзија во Кавадарци. Екскурзијата за учениците од трето одделение од  деветгодишното образование е планирана како еднодневна екскурзија во траење од еден ден во Кавадарци се реализира на 09.05.2025 год.

Воспитно -образовни цели

-Запознавање со минатото и традицијата на нашиот народ,-Совладување и проширување на знаењата,-Примена на вештини и ставови преку непосредно запознавање  на појавите, односи во природната и општествена средина, културно историските знаменитости-стекнување конкретни знаења за посетените објекти.

Задачи

Изучување и истражување на објекти и појави во природата како и односите во општествениот живот, развивање  интерес за природата и градење еколошки навики, запознавање со културата и начинот на живеење на луѓето во одделни краеви, развивање позитивен однос кон националните, културните и естетските вредности, поттикнување и манифестирање на позитивни емоции, социјализација, колективна заштита и стекнување искуство за осамостојување и грижа за себе.

Екскурзијата се реализираше со тргнување во утринските часови  со попатна  посета на винарија Тиквеш. Разгледување на природните убавини на блиската околина. Запознавање со функцијата и  значењето на хидроцентралата за регионот. Посета на Спомен костурницата, Градскиот парк-Кавадарци .Патот го продолживме за селото Ваташа. Спомен обележјето за дванаесетте  младенци стрелани во НОБ. Попатна посета на црквата Св.Петка.

На екскурзијата покрај одделенските раководители присуствуваа водич на групата и медицинско лице.

Одговорни наставници -Актив на трето одделение

Мимо - работилница ,,Весели букви"

На ден 23.5.2025 година, во нашето училиште се одржа работилница во рамките на МИМО, на тема ,,Азбука" со наслов ,,Весели букви".

Работилницата беше реализирана со заеднички активности со ученици од второ одделение од централното училиште и нивните одделенски наставнички и ученици од второ одделение од партнер училиштето - ООУ ,,Алија Авдовиќ" - с. Батинци, општина Студеничани и нивната одделенска наставничка, а беше присутен и претставник од родителите на учениците/гости.

Учениците меѓусебно се запознаа, откако претходно на самиот почеток испеаја иста песна за двете азбуки, со наслов ,,Азбука" и ,,Алфабети", по што следеа активности со креативно пишување букви, зборови и реченици на македонски и албански јазик, а напишавме и заедничка реченица составена од македонски и албански зборови. Учениците научија дека двете различни азбуки имаат и сличности, а двата јазика и покрај разликите, имаат исти зборови.

Активноста заврши со игра и групно фотографирање. На крајот учениците заслужено беа почастени од домаќинот, односно нашето училиште. Се разделивме со убави впечатоци и желба за повторна средба.

Проект „Ја сакам природата и сум одговорен за неа“.

Со голема ентузијазам и љубов кон природата, учениците од 4-г одделение од подрачното училиште активно се вклучија во проектот „Ја сакам природата и сум одговорен за неа“. Преку креативни активности, истражувања и едукативни содржини, учениците покажаа свесност за значењето на зачувувањето на животната средина и својата одговорност кон неа.

Проектот ги поттикна децата да размислуваат еколошки, да ги развиваат своите еколошки навики и да бидат активни чинители во заштитата на природата.

Браво за сите ученици !

Спортски игри- подрачно училиште Пинтија

Во нашето училиште се организираа спортски игри кои донесоа многу радост и дружење меѓу учениците. Учениците од 4 г одд. се натпреваруваа во повеќе дисциплини, како фудбал, кошарка, трчање и штафетни игри. Атмосферата беше навистина весела, а сите навиваа едни за други. Со овие игри се зајакна тимскиот дух, фер-плејот и љубовта кон спортот.

Одговорни наставници : Ирена Ѓоршевска, Билјана Илиева , Зоран Петковски