Извештај од првиот состанок на училишниот парламент

На 27.9.2023 год. оддржан е прв состанок на училишниот парламент во просториите на централното училиште ООУ „Рајко Жинзифов“. Членовите на ученичкиот парламент на првиот состанок беа повикани од директорот на училиштето доц. д-р Горанчо Јакимов. На присутните најпрвин им се обрати директорот на училиштето, кој во свое излагање им посака успешна работа на новоизбраните членови.

На состанокот беа прецизирани критериумите за избор на претседателство на УП како и членови во училишниот одбор. Изборот на претседателството се реализираше преку тајно гласање.

Право на номинација имаа сите ученици од осмо и девето одделение.  Учениците  кои сметаат дека ги исполнувват критериумите пополнија формулар за кандидатура за претседател на ученички парламент се: Ема Станоеска IX-б,  Андреа Јанкова IX-б, Андреј Јаневски IX-в. Гласањето се спроведе тајно и по пребројувањето на гласовите за претседател е избран Андреј Јаневски од IX-в одд, а за неговиот заменик Ема Станоеска од IX-а одделение.  За записничар на состаноците е избрана Кристина Цветковска IX-в одд. Избраните ученици искажаа задоволство од искажаната доверба, но воедно ветија дека максимално ќе се вложат за подобрување на квалитетот во училиштето и неговото организирање.

Училишниот парламент избра и двајца членови кои по потреба ќе присуствуваат и на седниците на совет на родители заедно со претседателот на училишниот парламент. Претседателот на училишен парламент ќе добива покани и за седниците на наставнички совет.

    Во просториите на подрачното училиште во Пинтија на ден 28.9.2023 год. одржан е прв состанок на УП во кој учество земаа новоизбраните членови, претседатели и заменици претседатели на заедницата на паралелките. Едногласно се избрани двајца претставници Јована Кузмановска и Матеј Николовски од IX-г одделение. За записничар на состаноците избрана е Илина Трајкоска VIII – г одделение.

Одговорни

педагог Весна Рафеска

психолог Бранка Бранковиќ Стојковиќ

Извештај од реализираната средба со библиотекарот II - г и II - д одделение

 На 25.09.2023 година учениците од второ одделение од подрачното училиште имаа можност да се запознаат со професијата библиотекар и другаруваат со истата.

Библиотекарката преку презентација на интересен начин ги запозна со својата работа,со фондот на книги со кој изобилува библиотеката,со различните жанрови на книги,со бон тонот кој важи во библиотеката,библиотекарската секција ...и преку поделба на мудри мисли и цветови им ги подели членските карти со кои учениците и официјално станаа членови на училишната библиотека.

Па ученици среќно во  другарувањето со книгите!

Оние што читаат книги живеат илјадници животи пред да умрат!!!       

   

Одговорен наставник

Александра Милчева

Елена Стојановска

Валентина Димишковска

 

Заедничка краткотрајна активност со партнер училиште

 

      На ден 22.9.2023 година реализирана е заедничка активност со партнер училиште ЦОУ,, Алија Авдовиќ“,  с.  Батинци во склоп на МИМО проект. 

    Во работилницата „Ден без автомобили“ учество земаа ученици од петто одделение од ООУ ,,Рајко Жинзифов“  и  ООУ,, Алија Авдовиќ“. Главната цел на оваа активност е развивање на еколошко чувство и љубов кон планетата Земја. При реализација на оваа работилница учениците земаа активно учество,  користени се креативни техники,  дизајнирање на плакатите и дискусија помеѓу учениците.

Одговорни наставници

Мануела Маркоска

Весна Милановска

Билјана Христовска

Извештај од реализираната посета на вработените и просториите во училиштето

 

На ден 21.09. е реализирана  посета во  централното училиште од страна на учениците од II-г и II-д одд. од подрачното училиште со цел запознавање со вработенитe (директор, педагог, психолог, дефектолог, секретар, библиотекар, наставници, хигиеничари, хаусмајстор) и нивните задолженија како и просторната организација на истото  (училници, кабинети, библиотека, канцеларии, тоалети, спорстска сала, трпезарија, работилница), препознавање и именување на истите.

    Учениците беа топло пречекани од вработените во училиштето и веднаш се упатија кон канцеларијата на педагогот кој им ја објасни својата професија преку подготвени прашања на ливчиња во боја кои учениците ги влечеа сами читаа а педагогот им ги одговараше. Оттаму се упативме кон канцеларијата на секретарката ,потоа на дефектелогот и психологот.Во библиотеката имавме кратка активност-изработка на хамер каде што дадовме ветување дека редовно ќе се дружиме со книгите.

Потоа следеше прошетка низ холот, ходниците, кабинетите ,наставничката канцеларија. Во спортската сала со наставникот по фзо реализираа спортски игри и на крај гостувањето го заокруживме со активност за добредојде на есента со дел од учениците од  второ одделение од продолжен престој.

Голема благодарност до сите!!!  

Одговорен наставник:

 Елена Стојановска

Валентина Димишковска

Хуманитарната акција „За Алексеј“ во ООУ „Рајко Жинзифов“ успешно заврши

 

    Хуманитраната акција „За Алексеј“ во ООУ "Рајко Жинзифов" која траеше од 11.9.2023 до 15.9.2023  успешно заврши.

    Во соработка со Општината Кисела Вода и согласно програмата на Подмладокот на Црвениот крст оваа хуманитарна акција на нашето училиште беше наменета за тригодишниот Алексеј кој боледува од ретка болест хипоксична енцефалопатија, сѐ со цел да се соберат потребни парични средства за неговото лекување.

    Од оваа акција во нашето училиште беа собрани околу 20.000 денари, со што ООУ "Рајко Жинзифов" даде скромен придонес во понатамошно лекување на малиот Алексеј. Паричните средства од хуманитарната акција беа собрани со помош на родителите и вработените од ООУ "Рајко Жинзифов". 

    Благодарност до сите оние кои земаа учество во оваа хуманитарна акција, со надеж  Алексеј да има среќно и безгрижно детство, а ООУ Рајко Жинзифов" и во иднина како и досега ќе продолжи со хуманитарни акции и донации во текот на целата година. 

Учество во второто издание на Фестивалот за инклузија на тема „Културни политики за инклузијата"

 

Здружението за едукативни и хуманитарни активности „Визија Плус“ и  здружението за активно вклучување и соодветен третман на лицата со попреченост  „Икуалити“    под покровителство на Општина Кисела Вода  го организираа Фестивалот за инклузија на тема "Културни политики за инклузијата". Фестивалот беше организиран во период од  7 до 10 септември 2023 година во паркот „Македонија", пред Домот на култура „Билјана Беличанец”.

Во богатата програма во рамките на четиридневниот Фестивал беше понуден голем избор на настани во вид на различни изложби, дискусии, работилници, проекции на филмови и концерти.

На 8 Септември под менторство на Соња Димовска се реализираше детската работилница – цртање на тема „Што е среќа?”,  во која освен деца со и без попречености и нивните придружници,  учествуваа и училишниот дефектолог Адријана Кукоска и училишниот психолог Бранка Бранковиќ Стојковиќ.  

На 9 септември беше одржана јавна дебата на тема: „Колку ресурси се потребни за општината да биде инклузивна?“.  Свое стручно излагање и активно учество во дебатата имаше директорот на училиштето ООУ „Рајко Жинзифов“ доц. д-р Горанчо Јакимов кој поентираше на клучните прашања поврзани со инклузијата.

Приредба за прием на првачиња

По повод на првиот училишен ден и приемот на новата генерација првачиња, учениците од  вторите одделенија подготвија приредба исполнета со многу игри, песни, драматизација и задоволства. Секое одделение се претстави со свој настап. Топло добредојде им посака директорот Горанчо Јакимов. За секо прваче беше обезбеден и доделен ранец и училишен прибор, подарок од општина Кисела Вода. На сите првачиња им поскапување успешни училишни денови.

Одговорни наставници:

Кети Сталеска,

Софија Лукровска,

Билјана Стефковска

 

Учеството на настанот насловен „Музички волшебства“

 

    По повод првиот ден на учебната година 01.09.2023 год. Општина Кисела Вода за сите основци организираше концерт за деца насловен како „Музички волшебства “ во изведба на продукцијата „Триангл Пулс“. Овој иновативен и музички перформанс имаше едукативен карактер кој преку игра и песна ги  доближи најзначајните класични музички дела до младата публика и ја пробуди нивната фантазија.

    Нашето училиште на овој музички хепенинг зема активно учество преку ритмичка точка со учениците од II- д одд. од подрачното училиште.Со насмевки на лицата тие речиси два часа играа, пееја, комуницираа,се шегуваа ,настапуваа и го завршија овој прв училишен ден кој им донесе многу возбуда, радост  и спомени за паметење.

На настанот учествуваа и ученици од соседните училишта.

Одговорен наставник Елена Стојановска