Учиме за струјно коло - Родител во улога на наставник

        На 26.1.2021г., вторник, во 4-г одд. на часот по природни науки ни гостуваше родителот Славе Тримчески, електротехничар и татко на Михаела Тримческа. Тој сподели многу информации за струјното коло, компонетите со кои се формира струјното коло и нивната функција. Учениците со задоволство го слушаа неговото предавање и поставуваа различни прашања. Гледавме подготвена презентација од наставникот и споредувавме и ги објаснувавме струјните кола, дали функционираат или не и од кои причини, кои компоненти недостасуваат или како влијае врз струјното коло ако има две батерии или пак две светилки. Часот го одржавме преку платформата Microsoft Teams.

                                                                         Одделенски раководител: Кети Сталеска

Родител во улога на наставник - Учиме за електромагнети

                 Откако се запознавме со струјното коло, почнавме да ги истражуваме магнетите и нивната улога, функција и намена. На 10.03.2021г. среда по втор пат ни се приклучи родителот Славе Тримчески, татко на Михаела Тримческа, во улога на наставник и ни раскажа интересни факти за електромагнетите. Притиоа на самиот час создаде елетромагнет и ни покажа како тој функционира.

Заедничка работилница од проектот ERASMUS - „LET OUUR HANDS CREATE A LIFE“

 

Работилница  „NEW YEAR MEETING WITH FRIENDS“

    На 25.12.2020 година се одржа работилница „NEW YEAR MEETING WITH FRIENDS“ како активност које беше планирана според агендата за работа во месец декември со  партнер училиштето „Мерсин“- Турција преку онлине средба на Zооm.

На работилницата учествуваа ученици од трето одделение, во присуство на одделенските раководители.

На работилницата учениците се запознаа меѓусебно, презентираа новогодишни честитки и говореа на својот мајчин јазик, но со помош и подршка од страна на наставниците. Комуникацијата се одвиваше непрекинато и упатија желби за своите другарчиња. Децата изразија огромна благодарност за средбата и станаа побогати за едно поинакво искуство, дружење и комуницирање.

Средбата може да се проследи на you tube на следниот линк:

https://youtu.be/SmJMORDg6fc

            Носител на проектот:  Маја Атанасовска Спасеска/ Магдалена Бадарова

ДОНАЦИЈА

     На 21.12.2020 година добиена е донација на лаптоп компјутер за ученичката Валентина Манчева од IV-a оддение. За донацијата на Ивана Кнез врачена ѝ е благодарница за донација.

НОВОГОДИШНА ПРИРЕДБА

               Во услови на пандемија не изостануваат воннаставните активности на учениците од второ одделение. Со дел од учениците од II д одделение на платформата Microsoft Teams реализиравме драматизација на текстот „Приказна за ветерот Северко“. Мотивирани од драматизацијата подготвивме новогодишна приредба. За кратко време новогодишната магија беше присутна кај секој од нас. Дечињата ги рецитираа песните „Нова година“, „Дедо Мраз“, „Ѕвони ѕвон“ и други новогодишни песни. Дечињата испеаја песна на англиски јазик подготвена од наставничката по англиски јазик: Маја Димеска, играа на звуците на песната, а на крајот ја испеаја песната „Трепкај, трепкај елкичке“. Слична таква Приредба подготвија и учениците кои следат настава со физичко присуство со наставничката: Богданка Пановска. Со кратката приредба се означи крај на првото полугодие, а децата  речиси едногласно ја кажаа желбата: Да се вратат побрзо во училишните клупи и да бидат заедно со другите другарчиња.

„Ден за детски желби“ (размена на виртуелни новогодишни честитки)

 

          И оваа учебна година ја продолжуваме традицијата за размена на честитки, но на еден поинаков начин. Светската пандемија нè затвори во своите домови и порада тоа учевме на далечина со користење на Microsoft Teams платформа. Тоа нас, наставничката Кети Сталеска и учениците од 4-г одделение нè мотивира последниот виртуелен час по македонски јазик да го изведеме на еден поинаков начин и истиот да го поврземе со воннаставна активност. Ги поканивме другарчињата од 4-в одделение и нивната наставничка Ана Јаневска заедно да разговараме за Новата година и да ги споделиме новогодишните желби и тие со задоволство ја прифатија поканата. Па така последниот час по македонски јазик на 30.12.2020г., среда, го одржавме заедно надополнувајќи се едни со други со своите желби и размислувања. Сподели, радост, сподели среќа беше нашето главно мото кога си разменувавме виртуелни честитки кои сами ги изработивме откако успешно научивме да работиме со компјутерот и програмата како што е Power Point. Имаше и другарчиња кои сакаа и цртаа честитки на традиционален начин со боички и на нив со ракопис пишуваа убави желби. Другарчињата од 4-в нè изненадија со една заедничка честитка, но најмногу се радуваме на можноста да се запознаеме и да стекнеме нови другарчиња. Бидејќи другарството е како птица која лета во нашите детски срца. Без другар не се може. Во прилог неколку фотографии од заедничките активности.