Остварена едукативна посета на: “Меморијален центар на холокаустот на Евреите од Македонија”

За учениците од 9-б и 9-в одделение од ООУ „Рајко Жинзифов на 22 (9б) и 23 (9в) февруари 2023г. беше организирана и успешно остварена едукативна посета на меморијалниот центар на холокаустот на Евреите од Македонија.

Во рамките на посетата учениците слушаа објаснување од водич во меморијалниот центар додека ги разгледуваа поставките. На овој начин тие ги продлабочија своите знаења за историјата на Евреите од Македонија. Преку слушањето на објаснувањето и разгледувањето на поставките беше остварено поврзување со материјата што се учи во рамките на наставните програми за Историја во 9-то одделение.

За време на посетата во двата музеи нашите ученици беа културни и дисциплинирани и тоа претставуваше убава слика за нашето училиште. Ова веќе е четврта организирана посета оваа година на музеи за ученици од ООУ „Рајко Жинзифов“. Ако условите дозволат во текот на оваа учебна година ќе се реализираат повеќе едукативни посети од ваков тип.

Одговорен наставник: Димитар Чоковски

ФЕСТИВАЛ НА ЧОКОЛАДОТО

На ден 22.02.2023 година се одржа посета на фестивалот на чоколадото - чоколадна работилница во East Gate Mall.

Учество во работилницата земаа  учениците од II a –одделение .

На чоколадната работилница како донатори на чоколадото се јавија сите фабрики за чоколадо во државата.

Пред работилницата учениците се запознаа како од семка настанува чоколадо.Потоа вредните рачиња изработуваа слатки производи донирани од фабриката за чоколадо ,,Европа,,. 

Одговорен наставник: Вилма Влаховиќ Билјана Петровска   

ЧЕСТИТКИ ЗА НАГРАДЕНИТЕ ПО ПОВОД 21 ФЕВРУАРИ- МЕЃУНАРОДЕН ДЕН НА МАЈЧИНИОТ ЈАЗИК

           На литературниот и ликовен конкурс  организиран од општина Кисела Вода на тема: „Јазикот е нашата татковина-Коневски“,  денес во просториите на ООУ „Кузман Јосифовски –Питу“ се одржа свечено доделување на наградените ученици проследено со пригодна програма.

    Прва награда за литературна творба освои ученикот Никола Арсовски 7б одд. ментор Коларовска Каролина

     Втора награда за литературна творба освои ученичката Милена Крстевска 9б одд. ментор Мишевска Љуба и прва награда за ликовна творба освои ученикот Андреј Јовановски 7б одд. ментор Даниел Манасиев.

    Честитки за наградените ученици и нивните ментори со желби за  идни успеси и постигнувања. 

Етвининг проект ,, Take Action With Steam,,

 Во периодот од февруари до мај училиштето е учесник во Етвининг проект,, Take Action With Steam,, во соработка со 12 земји од Европа(Романија, Турција, Хрватска, Србија, Грција, Полска, Шпанија, Либан, Словачка, Франција , Литванија и Македонија) во кој учество земаат учениците од прво а, в - продолжен престој и учениците од 2 г подрачното училиште во Пинтија. Целта на проектот е да се подигне свеста за заштита на животната средина преку реализација на активности, примена на ИКТ алатки, развој на логичко размислување на учениците преку користење на СТЕМ активности (наука, технологија, едукација и математика).

Одговорни наставници : Маја Атанасовска Спасеска , Ирена Ѓоршевска

                   

МЕЃУНАРОДЕН ДЕН НА МАЈЧИНИОТ ЈАЗИК

        Во чест на денот на мајчиниот јазик 21 Февруари, учениците од централното и подрачното училиште се претставија со низа активности посветени на својот мајчин јазик. Дел од нив подготвија презентација, дел твореа и настапија со лични творби а дел ги промовираа македонските дијалекти преку интерпретација на одбрани текстови. Интересот кај учениците навистина беше голем така што од многуте одбрани творби посветени на оваа тема се изработи збирка. Активностите беа реализирани во наставничката канцеларија на централното училиште пред одреден број наставници, ученици, директор, педагог, психолог.

 Активностите се одвиваа во организација на предметните наставници: Мишевска Љуба, Коларовска Каролина и Ристевска Елена.

Се запознаваме со различните култури и традиции во нашата земја

На ден 17.02.2023г. петок учениците од 1в имаа можност да се запознаат со подготвувањето на традиционалната баклава и да ја вкусат. Вредните раце на родителките Амина Беговиќ и Мирела Сараќевиќ ни го разблажија часот по СУА. При крајот на часот тие не изненадија со уште една информација која ја применуваат традиционално при славењето на нивниот празник - Бајрам, пееењето на песничка и делењето на бонбони на децата. Ние од овој час научивме дека треба да делиме меѓусебно се што имаме, да си помагаме и да соработуваме. Најмногу треба да им дадеш на оние на кои им е потребно, а најмал дел да задржиш за себе. Со вакви позитивни мисли заедно создаваме поубав свет. Свет на радост и задоволства.

Одделенски наставник: Кети Сталеска

Извештај од Општинскиот натпревар по математика 2023

На Општинскиот натпревар по математика, кој се одржа во нашето училиште на 04.02.2023 г, учествуваа сите основни училишта од општина К.Вода. Се натпреваруваа ученици од 4-то до 9-то одделение или вкупно 258 ученици и тоа во 4-то одд, 100 ученика, 50ученици од 5-то одд, 42 ученика од 6-то одд, 34 ученици од 7-мо одд, и по 16 ученици во 8-мо и 9-то одд. Во рамките на натпреварот освоени се 3 втори награди, 4 трети награди и 11 пофалници и тоа се:

Одговорни наставници по математика:

Марина Станоеска, Виолета Павлеска, Ленче Танушевска