Извештај за реализирана посета на идните првачиња од градинката ЈДГ 8 ми Март

На ден 27 април учениците од петтите одделенија заедно со нивните наставнички ги посетија идните првачиња од градинката 8 Март и со соодветни приредбени активности го претставија нашето училиште како и активностите во него. На дечињата им беше поделена и изготвена брошура со логото на нашето училиште која содржеше боенки и активности соодветни за нивната возраст.

Одговорни наставници:Моника Цаневска, Билјана Шоклевска,Цветанка Ѓорѓиевска

Патронен празник на училиштето

Тркало на времето Минатото е извор на искуства, сегашноста за миг станува , минато! Кој ја определува иднината? Таму далеку некаде , се спојуваат минатото и иднината, за повторно да почне да се врти ТРКАЛОТО НА ВРЕМЕТО! Драги наши, на ден 7 Април, во нашето училиште се реализираше настан Ден на нашето училиште, Патронатот на училиштето Рајко Жинзифов. Со многу љубов, ден по ден, секојдневно ги нижевме настаните еден до друг, ја живеевме оваа сегашност, гордо спомнувајќи и навраќајќи се на минатото, оставајќи во истовреме уште една трага за иднината и идните генерации! Сплотени сите, со радост, песна, оро, разиграни, распеани, во ритамот на нашата традиција, ценејќи ги вредностите на истата, на сцената блеснаа нашите ученици предводени од своите наставници.Се случи денес, а ќе се помни и утре, испреплетени емоции, топли прегратки кои ќе траат долго...Тркалото на времето, ја расплете приказната за нашите предци, тркалото на времето ги донесе на сцената младите момчиња и девојчиња, кои со гордост го презентираа нашето училиште денес, овде и тука!!! Трката на времето продолжува, нашата мисија продолжува исто така! Бидете во добро здравје, до видување догодина!!! 

Одговорен наставник Татјана Трпеска заедно со тимот за Патронат на училиштето

СВЕТСКИ ДЕН НА МАТЕМАТИКАТА

Меѓународниот ден на математиката се слави секој 14 март, бидејќи со необврзувачка одлука на Конгресот на САД овој датум се прогласува за Национален ден на бројот π . Покрај тоа што е Светски ден на бројот π, кој е еден од најупотребуваните броеви во математика, физика и инжинерството, овој ден се слави и како Светски  ден на Питата, како и роденден на светскиот научник Алберт Ајштјн.

Математичката секција во која учествуваат ученици од 7а и 9в и 9б одделение го прославија овој ден со пригодна програма, пред учениците од 4б одд со својата наставничка Билјана Христовска. Учениците од 9-то одд изработија проекти, а учениците од 7а составија песни поврзани со математиката. 

Ах тие дропки,

навистина биле сопки

Дели и множи 

множи па дели,

вака изгледа 

лесно нели??

За мене таа е

наука лесна ,

јас ја учам 

како песна

Одговорни наставнички:

Марина Станоеска 

Елена Ристевска

ИЗВЕШТАЈ ОД СПРОВЕДЕНА МИО АКТИВНОСТ

По повод  празниците  Велигден и Бајрам учениците од V-а и V-г одд.со нивните наставнички учествуваа во  Чоколадна работилница.

На 19.04.2023 год. се спроведе работилница за меѓуетничка интеграција на тема: ,,Меѓукултурно богатство,,. Учениците најпрво следеа презентација за историја на чоколадото, процес на правење, видови на чоколадо и интересни факти за чоколадото. Потоа изработуваа хамер, во групи цртаа, топеа чоколадо, украсуваа чоколадни јајца и мафини и се сладеа со вкусна чоколадна баклава. На часот владееше убава атмосфера. Учениците се дружеа, забавуваа, сладеа со чоколада и меѓусебно си ги честитаа празниците.

Одговорни наставници: Моника Цаневска и Кристина Никчевска   

Извештај од реализирани спортски активности по повод патрониот празник на училиштето

На ден 6.4.2023г. на ниво на одделенска настава се реализираа спортски активности преку елементарни игри на полигон. Во активностите учествуваа сите присутни ученици, при што со задоволство ги реализираа дадените барања, развиваа спортски дух, координација, снаодливост и  моторика. Исто така го негуваа другарството, тимската работа, ги почитуваа правилата на игра и развиваа позитивни чувства. 

Одговорни наставници: Никола Соколовски, Виолета Николин и Мануела Маркоска.

СО СТИХОВИ ГО ОДБЕЛЕЖУВАМЕ НАШИОТ ПАТРОН

На 4.04.2023 год. во 10 часот, во просториите на нашата училишна библиотека се одржа литературно читање во чест на нашиот патронен празник. Темата на која учениците со задоволство ги искажаа своите творечки способности  „Тркало на времето“ ги потврди нашите очекувања. Учествуваа ученици од трето до деветто одделение со прекрасни стихови произлезени од  детската искрена душа.Сите творби од учениците ќе бидат отпечатени во збирка и објавени во училишниот весник. Слушнавме навистина убави творби но се разбира дека секогаш има и најдобри. Наградени ученици со најдобри литературни творби се:

Прва награда: Стела Шоклевска 4а, Ангела Костоска 9а, Никола Арсовски 7б

Втора награда: Ирена Рујаноска 5в, Миа Јаневска 9б, Михаил Ѓурчиноски 7а

Трета награда: Јасна Јаневска 5б, Ана Димовска 8а, Леонид Темелковски 7а

Одговорни наставници: 

предметни наставници по македонски јазик Љуба Мишевска, Елена Ристевска 

одделенски наставник Биљана Шоклевска.

Извештај за ликовни активности по повод Патронатот

По повод патрониот празник на нашето училиште се одржа "Ликовен конкурс" во кои учениците сликаа  на тема "Тркало на Времето". На учениците од 3 до 9 одд. денес им беа доделени дипломи,и се одржа изложба од сите учесници во конкурсот. Нека ни е честит и вековит патрониот празник на нашето училиште!

Одговорни наставници 

Моника Цаневска, Весна Милановска,  Наташа Петковска

Извештај за реализирана активност ,,Промовирање на наградени ученици по повод Патронатот“

На ден 4 април, во рамките на Неделата за активности по повод Патронатот на училиштето, свечено им беа доделени дипломи , признанија на нашите ученици, во присуство на одговорните наставници, како и на наставниците ментори на учениците. Голема беше радоста за освоените награди. Беа присутни ученици од 4 – 9 одделение. На сите ученици им честитаме за освоените дипломи и им посакуваме уште многу вакви награди, во иднина, нив и на сите останати ученици од нашето училиште.

Одговорни  наставници

Билјана Христовска и Билјана Петровска

1 Април - Денот на шегата

     Учениците од продолжен престој од прво до четврто одделение, го одбележаа денот на шегата, преку своите несекојдневни и креативни маски. Сите заедно ги покажаа маските преку кратка прошетка во непосредната околина. Нека секој ден носи радост и смеа. Шегата треба да не насмее, а не да не навреди !

Одговорни наставници: Маја Атанасовска Спасеска, Ана Јаневска Костадинова, Билјана петровска, Татјана Трпеска, Билјана Христова