Работилица „Скршено срце“

 

Во текот на првото полугодие од учебната 2020/2021 година  училишниот педагог во сите петти одделенија  реализираше online интерактивна работиница „Скршеното срце“. Во виртуелната училница беа вклучени и одделенските раководители.

Цели на рботилницата:

-       Да се развива емпатија кај учениците;

-       Да им се јакне самодовербата;

-       Да се согледа значењето на упатување на позитивни пораки.

Учениците активно учествуваа во работилницата, а на крајот преку рефлексија од работата на работилницата се извлекоа корисни постапки кои треба да ги применуваат во секојдневниот живот.

Педагог: Весна Рафеска

Отворен час по Општество во V-в

На 13.11.2020 год. во V-в одд. од страна на одделенскиот наставник Ирена Ѓоршевска беше одржан  отворен час по Општество, наставна содржина: „Република Северна Македонија за време на Балканските војни и Првата светска војна“. Часот кој се одржа online на MC Teams беше посетен од стручната служба на училиштето и од оддделенски наставник.

Часот започна со употреба на техниката ЗСН (знам – сакам да знам- научив). Исто така проследија презентација во  Power Point, при што учениците се запознаа со почетокот и целта на Балканските војни и Првата светска војна како и за учеството на Македонците во овие војни . Во текот на целиот час владееше работна атмосфера, како и заинтересираност од страна на учениците. На крајот на часот наставникот изврши рефлексија, така што учениците според дадената техника го искажуваа она што го научиле.

Присутните искажаа голема благодарност за присуството со надеж дека поскоро повторно ќе бидат во училишните клупи меѓу своите соученици.

    Одговорен наставник на стручен актив за одделенска настава: Весна Стевановска 

Online детска претстава за учениците од I до III одделение

 

     На 03.11.2020 година со почеток од 18 часот за реализација  на проектот „ЖАПЧИЊА 2020“ во рамки на кампањата „ОД ЦЕНТАР КОН ПЕРИФЕРИЈА“ поддржана од град Скопје, со изведба на актерите од театарот „АРТ ВЕНИ ВИДИ“, за учениците од ООУ „Рајко Жинзифов“ од I  до III одделение се  реализираше стрим детска  претстава во живо - „Малото пајче и глувчицата“.

Нашите ученици  од I  до III одделение  online од своите домови ја следеа претставата, а потоа инспирирани од истата ги нацртаа за нив најинтересните делови од претставата.

                                                             Дефектолог: Адријана Кукоска